25 Rebéndan 2012 19:46
40. Rûniştina Doza Qirkirina Siyasî ya navendî: Parastina bi Kurdî dîsa hate redkirin

li Amedê 40. rûniştina doza qirkirina siyasî, di bin dopêçkirina polîsan de destpê kir. Di rûniştina îro de jî, îddîayên derbarê serokê ÎHD ya Amedê Muharrem Erbey de hate xwendin û E-maîl a ku baroya Îngilistanê ji bo Erbey şandiye, weke suc hate hesibandin.. Daxwaza Erbey ya parastina bi Kurdî jî, dîsa hat redkirin.

Ji ber ku rapor wergirtibûn, 40 siyasetvanên kurd tevlî rûniştina îro nebûn û yên ku anîbûn dadgehê û parêzerên wan di rûniştinê de amade bûn.

Di rûniştina 40. de îddîanemya di derbarê serokê ÎHD ya AMedê Muharrem Erbey ya ku ji E-mailname û qeydên guhdarîkirina telefonan pêk dihat, hat xwendin.

Parêzerên siyasetvanên kurd li dijî helwesta dadgehê derketin û gotin , nabe ku E-mailname û qeydên telefonan weke delîl werin qebûlkirin, ji ber ev hemû di çarçoveya jiyana Erbey bi xwe ye.

Serokê Dadgehê Menderes Yilmaz, daxwaza parêzeran piştguh kir û xwendina e-maîlnameyên Erbey domand.

Îddîanameya serokê dadgehê ya di derbarê Erbey de bi skandalan dagirtiye, weke nûmîne jî, ji bo semînera dijî şîddeta li ser jinê ji ÎHD û ji parêzera baroya Îngilistanê Şehrîban Dogan alîkarî xwestiye û E.mailên ku ji bo vê yekê şandine Erbey, dadgeh weke suc dihesibîne.

Li hember îddîayan Erbey bi israr xwest, ku parastina xwe bi kurdî bike, lê her tim mikrofon lê hat girtin û rûniştina dozê taloqî 27 Çileyê hate kirin

<<Önceki Haber || Sonraki Haber>>