28 Sermawez 2011 11:58
Çû gilî, rastî destdirêjiya polês hat

T.Ş. ya ku piştî di navbera wê û hevserê wê de gengeşî derket, li qereqola ku ji bo gilîkirinê çûyê rastî tacîza polêsê bi navê Gîzlîhan Barûtçû ya ‘ji hevserê xwe biqete, mala min a şexsî heye, li cem min bimîne’ hat. T.Ş. ya ku axaftinên Barûtçû yên tacîzî di telefona xwe ya bêrîkê de tomar kir, parêzera wê Eren Keskîn bangewazî kir ku di doza ‘destdirêjiya zayendî’ de piştgiriyê bidin T.Ş.’yê.

T.Ş. digel hevserê xwe Îbrahîm Ş.’yê pêre pevçûyî, ji bo giliyê hev du bikin di 10’ê Adara 2011’an de çûn Navenda Polêsan a Komarê. Polês Gîzlîhan Barûtçû yê ku bangî T.Ş. kir û bir odeya xwe, bi gotinên ‘Ji hevserê xwe biqete, mala min a şexsî heye, ez ê ji te re bibim alîkar, tu dixwazî îşev li cem min bimîne’ tacîz kir. T.Ş.’ya ku bertek nîşanî polês da, giliyê xwe di polêsek din de kir, piştre jî bi malbata xwe re ji qereqolê veqetiya.

Polês Barûtçû yê ku ji bo T.Ş. ji mal kelûpelên xwe yên şexsî bigire, du polês peywirdar kir; piştre jî bi peyam û telefonkirinê li ser T.Ş.’yê tacîz û pêdagiriya xwe domand. T.Ş’yê jî axaftinên Barûtçû yên ji tacîzan pêk tên, di telefona xwe de tomar kir û der heqê Barûtçû de gilîname da hundir.

Di îdîanameya ku ji aliyê Dozgeriya Komarê ya Çorlûyê ve hat amadekirin de tê xwestin ku bi tawanbarkirina tacîza cînsî 2 sal cezayê girtîgehê li Barûtçû bê birîn. Polêsê bertawan jî îdîa kir ku li qereqolê ya ketiye ser milên wî pêk aniye, ev tiştên tên gotin bovlat in.

Daniştina doza ku li 2. Dadgeha Cezaya Sulhê ya Çorlûyê di 16’ê Kanûnê de dê bê dîtin. Dadgeh hevserê T.Ş’yê Îbrahîm Ş. dê wekî şahid guhdarî bike. Hebûn û nebûna sabiqeyên din ên bertawan Barûtçû jî tê lêkolînkirin.

Parêzera T.Ş’yê Eren Keskîn bang li femînîstan kir ku piştgiriyê bidin T.Ş’yê. Keskîn diyar kir ku di rûniştina dawî de dadger muameleya gilîker weke ‘bertawan’, bertawan jî wekî ‘gilîker’ kiriye. Keskîn di vî warî de wiha domand: “Daniştina dawî bi rageşiyan derbas bû. Bertawan, ez kirim hedefa xwe. Gef li min xwar. Min ji dadgehê xwest ku rê nedin vê yekê. Dadger nehişt ez daxwazên xwe jî pêşkêş bikim. Bertawan Barûtçû di nav hêrs û kerba dê piştî vê bûyerê ji peywirê were girtin de ye.... Em ji raya giştî dixwazin ku xwedî li vê dozê derbikevin. Çorlû cihek biçûk e. Piştgiriya tevgera jinê li wir heye.”

<<Önceki Haber || Sonraki Haber>>

Diger Jîn