28 Rebéndan 2012 12:41
Dayika HPG’î Işik: Em Hemû Seyfettîn in

Li Çiyayê Cudî yê Şirnexê di 16'ê çile de operasyon hate lidarxistin. Di operasyone de 8 gerîllayên HPG'ê jiyana xwe ji dest dan. Yek ji gerîllayên HPG'ê yê jiyana xwe ji dest da endamê Konseya Leşkeri ya HPG'ê Seyfettin Işik (Rubat Firat) ê ji navçeya Mîdyata Mêrdînê bû. Işık di sala 1973'an de li navçeya Mîdyata Mêrdînê ji dayik bû. Gerîllayê HPG’ê Işik,di sala 1992'an de, dema zanîngeh dixwend tev li PKK'ê bû. Işik, piştî di gelek qadan de çalak cih girt, wekî endamê Konseya Leşkeri ya HPG'ê hate peyvirdarkirin. Işik'ê HPG’î, herî dawî di 16'ê çile de li Çiyayê Cûdî yê Gabarê di operasyonê de jiyana xwe ji dest da. Bavê HPG’î Işik Mehmet Işik, anî ziman ku wî navê bavê xwe li kurê xwe Işik kir û wiha axivî: Li Mîdyadê dest bi dibistanê kir. Piştî li vir dibistan xwend Zanîngeha Sêrtê qezenç kir. Bêyî ku zanîngehê xelas bike bû gerîla. Digot 'Ez ji bilî mamostetiyê jî ji xwendinê hez dikim' Her tim pirtûk dixwendin. Bi salan di nava têkoşîna gerîlla de cih girt û dawiyê şehît ket. "

'Ji bo Kurdistanê şehît ket'

Dayika Işik Aliye Işik jî anî ziman ku ew dê li doza kurê xwe xwedî derkevin û wiha got: "Kurê min ji bo Kurdistanê û
doza xwe şehît ket. Em dê li doza kurê xwe xwedî derkevin. Em ji tu kesî natirsin. Çi ji destê me bê em dê bikin. Divê em marol bidin xwe û bixwînin. Em dê heta dawî doza xwe bilind bikin."

Dayika Seyfetîn Işik, destnîşan kir ku Kurê wê ji bo Kurdistanê xwe feda kir û wiha dawî li axaftina xwe anî: "Em bêjin çi hindik e. Ji ber vê yekê tu tiştî nabêjim. Ji min xwest ez heta Amedê li gel wî bîçim. Lê min got ez dikarim di mehên biharê de bêm. Pişt re agahî hat ku kurê min çûye. Kurê min Seyfettin her tim li pey gotina xwe bû. Ji hevalê xwe re gelek baş bû. Herî dawî kurê min di rêya doza xwe de şehit ket. Bila serê me hemûyan sax be. Em hemû her yek Seyfettinizek in. Tiştê ku dikeve ser milê me bilindkirina doz û têkoşîna wî ye."

<<Önceki Haber || Sonraki Haber>>

Diger Kurdistan