24 Rebéndan 2012 19:57
Demîrtaş: Bi hewldanên girtina Roj Tv tu yê winda bikî

Hevserokê BDPê Selahattîn Demîrtaş di civîna koma partiya xwe de zextên navneteweyî yên li ser televîzyona me Roj Tv jî nirxandin û bal kişand ser bazarên qirêj ên li ser televîzyona me têne birêvebirin.

Demîrtaş destnîşan kir ku 'pirsgirêk ne pirsgirêkeke teknîkî ye û got, tişta dixwazin bibrin, dengê gelekî ye..

DEMÎRTAŞ: DI DEWSA KU HEWL DIDÎ BIDÎ GIRTIN
BANG LÊ BIKE DA KU WERE LI SER VAN XAKAN WEŞANÊ BIKE

Hevserokê BDP Selahattîn Demîrtaş, di dewam axaftina xwe de li ser hewldanên AKP yên ji bo girtina Roj Tv jî rawestiya.

Demîrtaş xîtabî Erdogan kir û got, ya ku tu hewl didî bidî girtin dengê gelekî ye, ne mijareke teknîkî ye.We di berdêla Ermeniyan de kurd kirin qurban, di dewsa ku ewqas hewl didin Roj Tv bigrin, bang li wan bikin bila werin li Tirkiyê weşanê bikin.

Li Tirkiyê 247 televîzyon hene, tenê TRT-şeş heye ew jî niha ji bin kontrola AKPê derket û ket bin kontrola cemaetê.
DEMÎRTAŞ: EGER HEWLDANÊN JI BO GIRTINÊ DEWAM BIKIN
TU YÊ WENDA BIKÎ
Selahattîn Demîrtaş wekî din bang li Erdogan kir got, ji bo girtina Roj Tv tu çiqas hewl bidî, tu yê ewqas zêdetir wenda bikî. Ji ber ku eger ew bê girtin, wê yên din vebin, gelo di nava ewqas televîzyonan de çima Roj Tv we bêzar dike.

Demirtaş got, we bi Franse re bazariyên qirêj kirin, em hem we û hem jî hukumeta Fransayê rexne dikin

<<Önceki Haber || Sonraki Haber>>