24 Sermawez 2011 15:05
Derket holê, ku polîs çapemeniyê birêve dibe

Ev demeke dirêje, ku em dibêjin, nûçeyên têkildarî PKK, KCK, Ocalan, BDP, KCD û bi kurtasî hemû nûçeyên li ser Kurdan bi heman pênivîsê tên nivîsandin.

em her car tînin ziman, ku hemû nûçeyên li ser gelê Kurd ên di çapemeniya Tirk de têne weşandin, bi destê polîsan têne amadekirin..

Û me doh ev yek bi belgeyan îspat kir....

Hem Ajansa Nûçeyan a Firatê û hem jî bernameya televîzyona me Roj Analîz, nûçeyên ku li navenda MÎTê hatine amadekirin û ji çapemeniya Tirk re têne şandin, doh bidest xistibûn û gotibûn, sibê wê rojname bi vî awayî van nûçeyan biweşîn û wusa jî derket.

Îro ev nûçeyên ji aliyê MÎT'ê ve hatine amadekirin yên me doh êvarî êşkere kirin, hema bêja di hemû rojnameyên Tirk de bêyî ku were guhertin hatin weşandin...

Bi vê yekê jî careke din bi belgeyan eşkere bû, ku çapemeniya Tirk li gorî fermanên serokwezîr Erdogan tev digere.

DERKETE HOLÊ, KU POLÎS ÇAPEMENIYÊ BIRÊVE DIBE
POLÎSAN DOH NÛÇE NIVÎSÎN
ROJNAMEYAN ÎRO KIRIN MANŞET

Ev demeke dirêje, ku em dibêjin, nûçeyên têkildarî PKK, KCK, Ocalan, BDP, KCD û bi kurtasî hemû nûçeyên li ser Kurdan bi heman pênivîsê tên nivîsandin.

Nûçeyên li ser Kurdan ên di rojnameyên Kemalîst, Ergenekon, lîberalî, olî, AKPyî û Fetullahî de cih digirin hema hema, hemû bi heman manşetan derdikevin.

Ji ber ku rojname ji navenda polîsan tên birêvebirin.

Li Tirkiyê jî bi belgeyan derkete holê, ku çapemenî ji aliyê polîsên, AKP û Fetullah Gulen ve tên birêevebirin.

Hem jî bi awayekî vekirî.

Hemû nûçeyên bi mijara KCK-Ocalan-BDP û Parêzeran, di rojnameyên bi dîroka 24'ê Mijdara 2011'an de doh û pêr ji aliyê polîs û bi dozgerên erka bi taybet ve, bi awayek taybet hatin amadekirin.

Polîs û dozgerên bi erka taybet ev nûçe dane rojnameyan.

Rojnameyan jî bêyî ku dest bidin hevokekê jî ev nûçe îro weşandin.

Em roja 23ê Mijdarê yanê doh pê dihisin, ku 4 nûçeyên ji aliyê polîsan ve hatine amadekirin, sibê wê di rojnameyên Tirk de werin weşandin.

Em hinekî din lê dikolin û dibînin, ku polîsan nêzî 50 rûpelî nûçe amade kirin..

Nûçeyên bi sernavan, navbernav, spot, û paragrafan hatine amadekirin, di serî de ji rojnameyên Zaman, Yeni Şafak, Bugün, Taraf, Sabah, Milliyet, Hürriyet, Haber Türk, Akşam û Vatanê ji gelek rojnameyên din re tên şandin.

Û ji rojnameyan tê xwestin, ku van nûçeyan bi kar bînin.

Rojname wê navê hin nûçegihanên xwe li nûçeyan bike yan jî bi îmzeya servîsa îstîxbaratê bidin weşanê..

Em li Stenbolê li hin rojnameyan digerin, bi rastî jî nûçe hatine girtin û em pê dihisin, ku îro wê li ser rûpelên rojnameyan bin.

Belgeyên nûçeyan yên ji aliyê polîsan ve hatine amade kirin me doh di bernameya Roj Analîz de bi temaşaevanên xwe re parve kiribûn.

Ajansa Nûçeyan a Firatê jî bi sernavê, 'Polîsan nûçe çêkir, rojname wê operasyonên KCKê wiha binvîse' ev nûçe ji xwendevanên xwe re ragihand.

http://www.firatnews.eu/index.php?rupel=nuce&nuceID=53581
Û em jî bi sebir li benda sibê man..

Li ser rûpelên pêşî yên rojnameyan, nûçeyên polîsan amade kirî, di manşetan de, sermanşetan de cih girtine.

Her yek jiwan çiqasî alîyekî din ê nûçeyan bikar anîbin jî, van rojnameyên ku xwedê giravî bi nêrînên xwe pir dûrî hev in, heman nûçeyên polîsan amade kirine, bi heman awir û awayî weşandine

Hemûyan, bêyî ku dest bidinê, cewhera nûçeya polîsan û hetta sernavên nûçeyên wan jî di rûpelên xwe de bi cih kirine.

01 AKŞAM

02 BUGÜN

03 HABERTÜRK

04 MİLLİYET

05 STAR GAZETESİ

06 TARAF GAZETESİ

07 ŞOK GAZETESİ

08 AKİT

09 VATAN

10 ZAMAN

11 YENİ ŞAFAK

12 CUMHURİYET

<<Önceki Haber || Sonraki Haber>>