25 Rebéndan 2012 20:01
Desteya Rêveber a BDP'ê biryarên girîng dan

Desteya Rêveber a Navendê ya BDP'ê, bi awayekî awarta kom bû û di civînê de biryarên girîng hatin girtin..

Di civînê de li şûna Fatma Kurtûlan a heftiya borî di operasyonên qirkirina siyasî de hate girtin, Parlamentera Amedê Nûrseel Aydogan weke Seroka Komîsyona Rêxistinkirinê hate vezîfedarkirin.

Di nava biryarên wergirtî de ya herî girîng jî, Konferansa bi mijara 'Di pirsgirêka Kurd de derfetên Çareseriyê û Abdûllah Ocalan' e.

Konferans wê 5ê Sibatê li Stenbolê pêk bê.

Di navbera 25 û 26'ê Sibatê de jî li Stenbolê wê Konferansa Dêrsimê bê lidarxistin.

Di civînê de gelek şaredar, Meclîsên giştî yên Bajêr û Endamên Meclîsên Şaredariyan ên tevî ku girtine jî xebatên xwe dewam dikin hatin silavkirin.

Wekî din di civînê de biryara piştevaniya Biryarên Xizmeta Pirzimanî yên Şaredariyên Nisêbîn û Bismilê hate girtin.

Desteya Navendê ya BDP'ê di civînê de biyar girt ku, ji bo çil rojiya kesên di komkujiya Roboskî de jiyana xwe ji dest dane wê li gelek cihan mewlud werin dayîn..

<<Önceki Haber || Sonraki Haber>>

Diger Polîtîka