28 Rebéndan 2012 12:22
Dewlet xistin bin xizmeta cemaetê!

Dibistanên Leylî yên Seretayî yên Herêmê (YÎBO) ku li bajarên herêmê hatin avakirin û wekî qadên bişaftina zimanê zikmakî hatin naskirin, niha jî xizmetê ji dersxaneyên nêzî cemiyetê re dikin. Li navçeya Kerborana Mêrdîn Dersxaneya Ozel Fem'ê dibistana dewletê YÎBO xist xizmeta xwe. Dibistana YÎBO ya Gaziyê ji bo xizmeta Dersxaneya Ozel Femê ku nêzî cemaetê tê zanîn wekî barageha Dersxaneya Ozel Femê hate tahsîskirin. Piştî hemû dibistan di 20'ê Çile de ketin betlana nava salê dersxaneyên nêzî Cemîyetê ketin nava liv û tevgerê. Dersxaneya Ozel Femê di nava 23'ê çile û 26'ê çile de Dibistana Gazî ya YÎBO'yê ji bo xizmeta xwe tesîs kir û xist xizmeta xwe.

Dersxaneya Ozel Femê hemû avahiya YÎBO, doşekxane, salona sporê û hemû beşên din ji bo xizmeta xwe tesîs kir û di nava 4 rojan de hemû alav û derfetên dewletê xist xizmeta xwe. Dersxaneyê di nava 4 rojan de dersxane ji bo xizmeat xwe amade kir û ders da 300 xwendekarên xwe. Dersxaeyê piştî 4 rojan YÎBO jibo xizmeta xwe bikar anî, maşîneya YÎBO ya plakeya 47 LD 470 a fermî jî xist bin xizmeta xwe.

'Pirtûka Fethullah Gulen hate xwendin

Gelek xwendekarên ku nexwestin tev li kampa Dersxaneya Femê bibin û bi zorê tev li kampê bûn, nexwestin navê xwe bidin û diyar kirin ku Dersxaneya Femê 4 rojan YÎBO xistin xizmeta xwe û dersxaneyê her xwendekarek 5 TL pere dan wan. Xwendekaran destnîşan kirin ku di kampê de pirtûkên Fethullah Gulen bi wan dan xwendin û xwendekarên jin û mêr di polên cuda de ders dîtin. Xwendekaran diyar kirin ku rojê 10 saetan li dersê xebitîn û wiha gotin: "Di kampê de dersên olî dan me û pirtûkên Gulen bi me dan xwendin."

‘Derfetên dewletê pêşkêşî dersxaneyê kirin'

Xwendekaran diyar kirin ku hin caran Midûrê Perwerdehiya Neteweyî yê navçeyê Ahmet Cengiz û Midûrê Şaxê Alî Toprak jî beşdarî dersan bû. Nûnerê Egîtîm Sen'a Kerboranê Nasreddin Oral, anî ziman ku rayedarên dewletê li aliyekî malên piştgiriya perwerdehiyê yên şaredariyan digirin, aliyê din dibistanên dewletê dixin xizmeta Dersxaneyên Taybet.
Oral, anî ziman ku dewlet hemû derfetên xwe pêşkêşî cemîyetan û saziyên cemiyetê dike û bi vê yekê jî nayê ser midûrên wê jî beşdî dersan dibe.

Oral, anî ziman ku rayedarên dewletê li aliyekî xizmeta dewletê pêşkêşî saziyên cemaetê dike, li aliyê din malên piştgiriyê ku şaredarî bi derfetên xew vedikin digire û dirûtiyê dike.

Rayedar mikur nehatin

Midûrê YÎBO'yê diyar kir ku ne li cihê xwe ye, lê cîgirê wî diyar kir ku li YÎBO'yê 4 rojan ji bo ezmûnan ders dane. Cîgir, îdîa kir ku ji bo amadekariya SODES'ê xizmetek bi vî rengî dane û ji bilî vê yekê tiştekî din nekirine. Midûrê Perwerdehiya Neteweyî ya Kerboranê Ahmet Cengiz îdîa kir ku agahiya wî bi tiştekî tune.

DÎHA

<<Önceki Haber || Sonraki Haber>>

Diger Kurdistan