25 Sermawez 2011 13:11
Di 25'ê mijdarê de tundiya li dervê sînor

Di 25'ê Mijdarê Roja Têkoşîna li dijî Şideta li Ser Jinê de, Jina 20 salî A. R. ji Sûriyeyê hate navçeya Gevera Colemêrgê û bi cerdevanê berê yê 70 salî re bi mara mele li hemberî pereyan hate zewicandin. A.R. serî li ÎHD'e û BDP'ê Geverê da û alîkarî xwest. A.R. anî ziman ku bi rojan e rastî îşkence û tecawizê hat.

Jina 20 salî ya bi navê A.F ku ji bajarê Qamişlo ye û keça malbatek ereb e, piştî bi pereyan anîn li navçeya Geverê ya Colemêrgê bi cerdevanekî 70 salî re zewicandin, li hemberî vê zilmê serî rakir û serî li ÎHD'ê û BDP'ê da. A.R. ya 20 salî piştî ku anîn kampa Şukê û bi kalê 70 salî Huseyin Taş ê ku berê cerdevan bû re zewicandin, alîkarî xwest. A.R. ku ji bo alîkariye serî li ÎHD'ê û BDP'ê da, anî ziman ku mehek berê malbata wê ew bi zorê anîn Kampa Şukê û bi mara mele bi kalê 70 salî Huseyîn Taş re zewicandin. A.R. da zanîn ku bi rojan rastî lêdan û îşkenceyê hat û bi zorê rastî tecawizê hat. A.R. da zanîn ku herî dawî ew di mala ku lê dima xwe di şibakeyê re avêt derve û reviya. A.R. da zanîn ku xwe avêt rêxistina BDP'ê ya Geverê û alîkarî xwest. A.R, ji rêveberên BDP'ê û ÎHD'ê xwest wê bibin malbata wê û wiha got: "Pasaporta min hêj di destê Huseyin Taş de ye.Taş diyar dike ku ji bo pasaportê 25 hezar Tl xerç kiriye û ger ku tu vî pereyî bide tu dikare biçe.

'Ji bo zext bi dawî bibin zewac qebûl kir'

A.R. serpêhatiyên xwe wiha anîn ziman: "Bavê min 2 caran zewiciye. Jiyanek me ya zor û zahmet heye. Bavê min ez bi cerdevanê berê Huseyin Taş re zewicandim. Ji bo ku ez ji zor û zahmetiya malê rizgar bibim min ev zewac qebûl kir. Lê piştî ku min ferk kir ku ev bazar e min xwest biçim malê. Lê pişt re bi zorê mara mele birî û bi min re zewicî. Bi dehan caran tecawizî min kir. Ez dixwazim vegerim malê. Bila BDP û ÎHD bibe alîkarê min."

Piştî serlêdna A.R. ÎHD û BDP ketin nava hewldanan û pasaporta A.R. ji Huyesîn Taş wergirtin. Serokê BDP'a Geverê Rustem Demîr, anî ziman ku ev nayê qebûl kirin û xwes her kes li hemberî vê yekê bi hestiyar tev bigerin. Nûnerê ÎHD'a Geverê Bedîrhan Alkan jî anî ziman ku ew dê reşw û doza A.R bişopînin û mafê wê biparêzin.

<<Önceki Haber || Sonraki Haber>>

Diger Jîn