25 Kewçér 2011 15:58
Em şînê girêdin an gorên xwe bikolin?

Li navçeya Erdîşê mexdûrên erdhejê gorên xizmên xwe yên ku winda kirine jî bi xwe dikolin.

Li navçeya Erdîşê mexdûrên erdhejê gorên xizmên xwe yên ku winda kirine jî bi xwe dikolin. Mexdûrên erdhejê cenazeyên xwe bi ava şûşeyan dikolin û hawara "em şînê girêdin, gorên xwe bikolin, kesên di bin enqazê de xilas bikin an jî li ber enqazan derxistina cenazeyan bisekinin" kirin.

Li navçeya Erdîşê ya Wanê mexdûrên erdhejê hemû pêdiviyên xwe bi derfetên xwe bi cih tînin. Li navçeyê her diçe hejmara miriyan zêde dibe, kesên ku jiyana xwe ji dest dan li goristana Şehîtlikê ya taxa Beyazitê li cem hev têne definkirin. Li ser texteyên biçûk ên ku ber serê goran diçikînin jî navên kesên ku mirine tê nivîsandin.

Bi bêr û teviran gor tên kolandin

Li gel ku tê gotin hejmara miriyan dê zêde be jî balkêş e li goristanan tu amadekarî nayê kirin. Hate zanîn ku kepçe goran nakole. Kesên ku xizmên xwe windakirine bi bêr û teviran goran dikolin. Mexdûrên erdhejê li dijî vê yekê nerazîbûn nîşan dan û nerazîbûnên xwe wiha anîn ziman: "Ma em şînê girêdin, goran bikolan, kesên di bin enqazê de xilas bikin an jî li ser enqazan li benda cenazeyan bin."

Bi ava şûşeyan cenazeyan dişon

Cenazeyên kesên mirine li pey hev tînin goristanê û defin dikin. Ji ber bêaviyê jî cenaze bi ava şûşeyan têne şûştin û piştre jî têne definkirin.

Li goristanê tabloya ku derdikeve mirovan diêşîne. Jina ku beriya 2 hefteyan zewicî ye û hevserê xwe winda kiriye gor hembêz kir û li ser gora hevserê xwe lorand.

<<Önceki Haber || Sonraki Haber>>