29 Rebéndan 2012 13:09
Hêzên dewletê, êrîş birin ser mitînga li Mêrsînê ya jinan

Li Mêrsînê mitînga di pêşengiya DOKH'ê ya di çarçoveya kampanyaya "Ji Ocalan re azadî ji qirkirina siyasî re na" dê bihata lidarxistin rastî êrîşa polîsan a tund hat. Polîsan bi bombeyên gazê mudaxaleyî jinan kir û gelek jin ketin bin bandora bombeyên gazê. Li ser berxwedana jinan, mitînga jinan ji nû ve destpê kir..

Li Mêrsînê DOKH'ê xwast di çarçoveya kampanyaya "Ji Ocalan re azadî ji qirkirina siyasî re na" bi tevlîbûna Hevseroka Giştî ya BDP'ê Gultan Kişanak û Parlementera BDP'ê Pervîn Buldan mitîngê li dar bixe. Lê polîsan bi awayekî tund êrîşî jinan kir. Jinên li ber avahiya Rêxistina BDP'ê ya Akdenîzê kom bûn hêj mitîngê dest pê nekir rastî mudaxaleya polîsan a bi bombeyên gazê hatin. Ji ber bombeyên gazê gelek jin ji ser hişên xwe çûn û heya niha 2 kes ji aliyê polîsan ve hatin darpkirin û pişt re jî hatin binçavkirin.

Li qada mitîngê bûyer berdevam dikin û polîs deriyê malên welatiyan dide ber pênan û gefan li welatiyan dixwe. Welatî jî helwesta polîsan bi çepîkan şermezar dike.

Piştî berxwedana gelê Kurd a li Mêrsînê, hêzên dewletê xwe ji qada mitîngê paş ve kişand û mitîng bi coşeke mezin destpê kir..

<<Önceki Haber || Sonraki Haber>>