31 Kewçér 2011 12:41
Ji ber hovîtiya pêk hatiye em cenazeyan teşhîs nakin

Hinek malbatên ji bo cenazeyên endamên HPG'ê çûn Meletiyê tenê wêne nîşanî wan dan, hinek malbatên ku cenaze dîtin jî, ji ser hişên xwe çûn û wiha gotin: "Serê hinek cenazeyan tuneye. Hovîtiyek mezin li ser cenazeyan pêk hatiye. Me nikekarî ku cenazeyan teşhîs bikin." Hate zanîn ku malbata Endamê HPG'ê Çetîn Budanlar şevê din û malbata Endamê HPG'ê Sezar Aslan jî îro cenaze girtin.

Piştî ku hate îdiakirin li geliyê Tiyarê ya navçeya Çelê ya Colemêrgê di operasyona ku 24 HPG'iyan jiyana xwe ji dest dane de çekên kîmyewî hatine bikaranîn û navê 24 endamên HPG'ê hate aşkerakirin malbata ji bo cenazeyan bigirin ber bi Meletî ve bi rê ketin. Malbatên endamên HPG'ê serî li dozgeriyê dan û malbata Abdurrahman Enuştekîn a ji Sêrtê hat û malbatên Bereket Aşan a ji Şirnexê hat û malbata Oktay Çelîk a ji Muşê hat pişt re bi çavdêriya polîsên sivîl çûn Morga Goristana Bajar a Şaredariyê da ku cenazeyan teşhîs bikin. Rayedaran cenaze nîşanî malbatan nedan û di bîlgîsayarê de wêneyên cenazeyan nîşanî malbatan dan. Malbatên wêne dîtin şoq bûn. Malbatan ji ber cenaze hatine perçekirin û şewitandin nekarîn teşhîs bikin.

'Serê 2 cenazeyan tuneye'

Bavê Endamê HPG'ê Oktay Çelîk Seyîthan Çelîk, dema ku ji morgê derket got "Serê 2 cenazeyan tuneye. Hinek cenaze jî hatine perçekirin. Di rewşeke wisa de nayên teşhîskirin." Biryarê Endamê HPG'ê Bereket Aşan Sevdîn Aşan jî got, "Cenaze perçe perçekirin e. Ji ber wê yekê min teşhîs nekir. Wehşetekî gelek mezin hatiye bikaranîn.

Malbatên endamên HPG'ê Abdurahman Enuştekîn, Enver Akçay, Dervîş Ozkan û Suna Ozdemîr ên ketin morgê jî cenaze teşhîs nekirin. Hate diyarkirin ku hinek malbata di wêneyan de cenaze teşhîs kirin lê piştî berê xwe dan cenazeyan, cenaze teşhîs nekirin. Malbatên endamên HPG'ê jî bo teşhîsê dê xwînê jî bi testa DNA'yê bidin.

Hate zanîn ku malbata Endama HPG'ê Emîne Altun a şevê din hatin Meletiyê cenaze teşhîskirin û li benda karên fermî ne. Hate hînbûn ku malbata Endamê HPG'ê Sezar Arslan şevê din cenaze teşhîs kir û piştî cenaze wergirtin ji bo li Mûşê defin bikin bi rê ketin.

<<Önceki Haber || Sonraki Haber>>