25 Sermawez 2011 13:33
Ji girtiyên siyasî ji bo tecrîdê hişyariya tund

Girtiyên PKK û PAJK’ê bi zimanekî tund tecrîda li ser Rêberê Gelê Kurd Abdullah Ocalan şermezar kirin û girtiyan da znaîn ku dê hefteyekî dernekevin hevdîtinên vekirî û girtî.

Girtiyên PKK û PAJK’ê bi zimanekî tund tecrîda li ser Rêberê Gelê Kurd Abdullah Ocalan şermezar kirin û girtiyan da znaîn ku dê hefteyekî dernekevin hevdîtinên vekirî û girtî. Girtiyan bangî gelê kurd û ciwanan kir û da zanîn ku Ocalan bi tunekirinê re rû bi rû hatiye hiştin û wiha gotin: “Em agahî nagirin Rêbertiya me dijî an najî. Ji jiyana Rêbertiya me di serî de Neteweyên Yekbûyî, Konseya Ewropayê, CPT, DMME, Yekitiya Ewropayê û hemû rêxistinên din berpirsyar in. Em wekî 8 hezar girtiyên PKK û PAJK’yî bang li saziyan dikin ku bila berpirsyariya xwe bînin cih.”

Girtiyên PKK û PAJK’ê der barê tecrîda giran ya le ser Rêberê Gelê Kurd Abdullah Ocalan tê meşandin û êrîşên dewletê daxuyanî dan. Li ser navê girtiyên PKK û PAJK’ê Denîz Kaya daxuyanî da û wiha got: “Tê xwestin ku Serokatiya me li Îşkencexaneya Îmraliyê gav bi gav bê tunekirin. Dewleta tirk bi awayekî hovane êrîşî gelê me, tevgerê rûmetê dike. Polîs, leşker, çapemenî û daraza AKP û dewletê û hemû partiyên siyasî li hember Têkoşîna Azadiyê bûne yek û polîtîkayeke nû ya qirkirinê xistine dewrê. Gelê me, ciwan û zarok hedef tên nîşandan û tên qetilkirin. Bi ser sazî û partiyên gelê kurd de digirin bê pirs û daraz tên binçavkirin û tên girtin. Di nava 2 salên dawî de 7 hezar kes hat girtin. Ji bo ku girtiyên nû re cih bê vekirin hevalên me dişînin Behra Reş û Anatoliya Navîn û polîtîkayên rehînê dane destpêkirin.”

‘XWE TEVLÎ SERHILDANAN BIKIN’

Kaya diyar kir ku li dijî tecrîd û êrîşan dema çalakiyan e û wiha got: “Em li hemû qadên ku lê ne li hember nîjadperestî û înkarkeran bi hemû hêza xwe derkevin qadan. Em ji rejîma dijminê mirovahî û dijminê gelê kurd û jinê re nîşan bidin ku em van êrîşên hovane qebul nakin û em ê li ber xwe bidin. Em bi hemû hêza xwe ve xwe tevlî serhildanan bikin. Ji dost û dijmin re nîşan bidin ku jiyana bê Rêbertî û jiyana vîna azad nebe, em ê jiyanê heram bikin.”

Kaya bang li ciwan, malbat, hemû gelê kurd, şoreşger û demokratan kir ku bila li hember van êrîşan bêdeng nemînin û dabikevin qadan. Kaya wiha got: “Em bangî ciwanên Kurdistanê yên egîd dikin, teyrêbazên Rêber Apo dikin û vedixwînin çiyayên azad. Bila hemû gelê me li bajar ê metropolên ku lê dijîn li hember vê hovîtiyê dengê xwe bilind bikin.

Denîz Kaya bi zimanekî tund saziyên navneteweyî hişyarkir û wiha got: “Em agahî nagirin Serokatiy me dijî an najî. Ji jiyana Serokatiya me di serî de Neteweyên Yekbûyî, Konseya Ewropayê, Komîteya Pêşîlêgirtina Îşkenceyê (CPT), DMME, Yekitiya Ewropayê û hemû rêxistinên din berpirsyar in. Em wekî 8 hezar girtiyên PKK û PAJK’î bangî saziyan dikin ku bila berpirsyariya xwe bînin cih.”

DERNAKEVIN HEVDÎTINAN

Denîz Kaya bi lêv kir ku êrîşên dewleta tirk şermezar dikin û dê li hember van êrîşan bêdeng nemînin û wiha got: “Ji bo ku em tecrîda li ser Rêbertiya me tê meşandin, polîtîkayên îmha û înkarê, terora binçavkirin û girtinê ku li dijî gelê me pêk tê şermezar bikin hefteyekî em dernakevin hevdîtinên vekirî û girtî.

Kaya daxwazên xwe wiha birêzkir;

1 – Tecrîda li ser ser Rêber Apo bi dawî bikin.

2 – Şertên Rêber Apo yên; tevgera azad, tendurîstî û şertên ewlehiyê bînin cih.

3 – Çekên kîmyewî ku li hemû cîhanê hatiye qedexekirin bi kar neynin û li gorî hiqûqa şer tevbigerin.

4 – Terora binçavkirin û girtinê ku li dijî sivîlan pêk tînin bi dawî bikin.

5 – Dev ji nêçîra sazî û parêzvanên mafên mirovan, rewşenbîr û nivîskaran berdin.

Kaya bi zimanekî tund hişyarî da û diyarkir ku ger daxwazên wan neyên cih dê tu berpirsyartiyê qebul nekin û hişktir bersivê bidin tecrîd û êrîşan. Kaya bangî malbat, gelê kurd û raya giştî, rewşenbîr û hemû kesî kir ku bila ji bo bi cih hatina daxwaziyên wan piştgiriyê bidin wan.

<<Önceki Haber || Sonraki Haber>>