17 Sermawez 2011 13:57
Jinan: Zimanê Serokwezîr dilê hemû jinan birîn kir

Serokwezîr Recep Tayyip Erdogan li dijî jinên BDP'î yên ku bi kota û tevlêbûna siyasetê pêşengiya jinan dike kir hedef û êrîşa devkî pêk anî. Li dijî van gotinên Erdogan bertek û nerazîbûn jî zêde bûn. Nûnerên jin bertekên xwe anîn ziman û diyar kirin ku di mejiyê xwe de tîpekê çê dike û jinên li dijî vê çarçoveyê wan dike hedef û êrîş dike.

Piştî ku Serokwezîr Erdogan parlementerên jin ên BDP'î kir hedefa xwe û êrîş pêk anî, bertekên li dijî daxuyaniya Erdogan her ku diçe zêde dibe. Jinan xwest Erdogan li şekl û teşeyên xwe binere. Seroka Şaxa Karkerên Sendikaya Konûtan a Genel Îş'ê Nebile Irmak, diyar kir ku kesekî di Geliyê Tiyarê de li dijî endamên HPG'ê çekên kîmyewî bikar bîne çawa dibe ku ji jinan re bêje dilkevir.

'Bila destê xwe dîne ser wîjdanê xwe'

Irmak, anî ziman ku gotina "Dilkevir" gotinek pir xerab û giran e û wiha got: "Ya rast Serokwezîr Erdogan bi xwe dilkevir e. Li dijî çekên kimyewî, bombeyên gazê û kuştinan çavê xwe digire. Ev ne pêkaninên mirovahî ne. Kesê li hemberî van pêkanînan bêdeng bimîn kes ji gotinê wî bawer nake. Ji roja Serokwezir Erdogan bû serokomar û şûnde êrîşî her kesî kir. Ez êdî bawer dikim ku Serokwezîr Erdogan li dijî jinan e. Ez dixwazim Erdogan destê xwe dîne ser wîjdanê xwe û rastiyê bibîne. Dê bibîne ku yê di rastiyê de dilkevir ew bi xwe ye.

'Siya siyaseta zilam e'

Aktîvîsta Jinan Prz. Hulya Gulbahar, jî helwesta parlementera AKP'î Ayşenur Bahçekapili ya li hemberî jinên BDP'î rexne kir. Gulbalar, anî ziman ku di siyasetê de divê jin siyaseta zilam qebûl nekin û jinên ku li hemberî siyaseta zilam bêdeng dimînin û feraseta serdestiya zilam rexne nakin jî nayê qebûl kirin. Lê em dibînin ku jinên di nava siyaseta pergalêde cih digire, li hemberî vê siyasetê bêdeng dimînin û siyaseta zilam dişopînin."

'Jin bi polîtîkayên şer dimirin'

Endama Kolektîfa Jinên Sosyalist Fîlîz Karakuş, jî anî ziman ku ev gotinên Erdogan polîtîkayên şer in û jin ji ber polîtîkayên şer tên kuştin û wiha got: "Erdogan dixwaze bi van gotinan hêza jinan perçe bike. Dixwaze dayikan ji hev qut bike. Êşa dayika Mensur Guzel Sitî û êşa dayikek din yek e. Divê êş ji hev neyen cudakirin."

'Bertekên Erdogan ji ber ku jin li gorî daxaza Erdogan tev nagerin e'

Seroka Komeleya KA.DER'ê Çîgdem Aydin jî bertekên xwe yên li dijî gotina Serokwezîr erdoga anî ziman û destnîşan kir ku ji ber jin li gorî daxwaza Serokwezîr tev nagerin, Erdogan bertekan nîşan dide. Aydin, da zanîn ku jinên li gorî ferman û daxwaza Erdogan tev nagerin dibin hedefa Erdogan. Aydin, destnîşan kir ku Jinên BDP'î bi dengên gelê kurd bûne parlementer û ji ber vê yekê li gelê xwe xwedî derdikevin. Ev neheqiyên li jinên kurd hatin kirin li gelê kurd tên kirin. Ev yek nayê qebûl kirin. Bi qazî Erdogan medya jî berpirsiyar e."

'Dilê hemû jinan birîn kir'

Aydin, destnîşan kir ku ev daxuyaniya Serokwezîr Erdogan dilê hemû jinan birîn kir û bi vê gotinê hemû jinên têkoşer û aştîexwaz kirine hedefa xwe.

<<Önceki Haber || Sonraki Haber>>

Diger Jîn