25 Sermawez 2011 15:14
Jinên Mexmûrê li diji şîdetê meşek mezin pêk anîn

Li Wargeha Penaberan a Mexmûrê jinên wargehê bi posterên Rêberê Gelê Kurd Abdullah Ocalan, alên PKK'ê, KJB'ê û bi wêneyên jinên ku rastî şîddetê hatine li ber deriyê Şaredariya Mexmûrê kom bûn. Piştî kombûnê jin heta Mexmûra Soran meşiyan. Meş bi dirûşmeyan berdewam kir. Di meşê de belavokên bi zaraveyê Soranî ku têde behsa girîngiya 25'ê Mijdarê û di heman demê de behsa têkoşîna têkildarî vê dihat kirin, li jinên Mexmûra Soran hatin belav kirin. Meş ji aliyê şêniyên Mexmûra Soran ve rastî eleqeyeke mezin hat. Jinan bi tilîlî û dirûşmeyan meşvan pêşwazî kirin.
Daxuyaniya bi sergotara. "Ji Qirkirina Jinê ra", ji aliyê Seroka Meclîsa Gel a Wargeha Penaberan a Mexmûrê Selamet Erdogan ve hat xwendin. Erdogan, anî ziman ku ew di sedsala 21'an de ne, lê careke din di nav çalakiyên parastina maf, jiyan, mejî û bedena xwe de ne û wiha got: "Ji ber ku em jin, hîn ji mafên xwe bêpar in. Em hatine bêpar kirin. Li hember kiryarên li dijî jinê di nav Partiya Azadiya Jin a Kurdistanê PAJK'ê de pêngavên pir girîng hatine sazkirin û berdewam kirin. Em jin felsefeya jiyane ya mirovê azad Rêber Abdullah Ocalan ku dibêje: 'nêzîkatiya jinê di asta nêzîkatiya şoreke çandî de girtina dest a herî rast e. Divê jin ruh, beden û zanebûna xwe bi helwesta xwedawendekê biparêzin. Ez bang li jinan dikim: Jin dikarin bi zanebûna cewherî û vîna bihêz xwe biparêzin.' Em van gotinên Rêberê xwe dikin ronahiya jiyana xwe û di vê rojê de hemû kiryarên şîddeta li ser jinê şermezar, mehkûm û lanet dikin. Li hemberî van êrîş û tunekirinan bi sedema 25'ê Mijdarê em careke din soza derbaskirina van pêkanîn, kiryar û êrişên nû dikin. Li hember şîddet, destavêtin, lêdan, qirkirin, kuştin, tecrîdkirina jinan em hemû jinên azadîxwaz û têkoşêr dawetî doza têkoşînê dikin."

Piştî daxuyaniyê meş bi dirûşmeyên: "Bijî Mirovê Azad Rêhevalên Jinan Rêber Abdullah Ocalan", "Bijî Yekîtiya Jinan", "Ji Her Awayên Qirkirina Jinan re Na", "Bimire Zilm, Zordarî, Destavêtin, Lêdan û Her Cureyên Qirkirinê."

<<Önceki Haber || Sonraki Haber>>

Diger Jîn