20 Gulan 2011 12:57
Jinên colemêrgî tacîza polîsan şermezar kirin

Li Colemêrgê tacîza polîsan a di dema serdegirtinên malan de li bajar bi meşeke hate şermezarkirin. Jinên ku li navenda bajar meşiyan hişyariya "Polîsên AKP'ê destên xwe ji jin û zarokên me bikişînin."

Li Colemêrgê li dijî tacîza polîsan a di dema serdegirtinên malan de nerazîbûn didomin. Ji bo şermezarkirina bûyerê li Konê Çareseriya Demokratîk bi sedan jinên colemêrgî kom bûn û bi pankarta "Waliyê AKP'ê tehamula me li dijî tacîz, îşkence û girtinan nemaye" ve heta şer şaredariyê meşiyan. Li ser navê jinan endama Meclîsa Jinan a BDP'ê Gulbeyaz Pala daxuyanî xwend. Pala daxuyand ku AKP dijminê jinan e û bi giştî li dijî gelê kurd bi taybetî jî li dijî jinên kurd dijminatiyê dike. Pala diyar kir ku di demên dawî da polîs di serdegirtinên malan de jinan tacîz dike û ev bêexlaqî şermezar kir.

Pala wiha berdewam kir: "Bi destên AKP'ê li Kurdistanê polîs êrîşî gel dikin. Li dijî jinan kurd nêzîkatiyê bêxlaqî dikin û tehamelê nahêlin. Jinên ku bi salan e rastî tacîz û şîdeta dewletê tê îro jî rastî tacîz û şîdeta AKP'ê tê. Li gel bêexlaqiyên AKP'ê gelê kurd dîsa jî aştiyê dixwaze. Jinên kurd êdî dixwazin ev şer bidawî bibe. Em wekî jin êdî qabûl nain ku zarokên me ji aliyê dewletê ve bê kuştin."

Pala herî dawî bang li hikûmetê kir û wiha got: "Banga me ji bo AKP'ê û dewletê ew e ku di pêvajoya bêçalakîtiyê de divê bi Rêberê PKK'ê Abdullah Ocalan re rûnê û muzakereyê pêk bîne. Heke ev yek neyê kirin ji bo aştiyê êdî baweriya me dê nemîne. Ji ber vê yekê em tacîz û îşkenceyên polîsan ên li Colemêrge şeremazr dikin û em dibêjin ku destên xwe ji zarok û jinên me bikişînin."

Piştî daxuyaniya hate kirin jin bi tîlîliyan 5 deqîqe çalakiya rûniştinê li dar xistin û bi meşê careke din çûn Konê Çareseriya Demokratîk.

<<Önceki Haber || Sonraki Haber>>