29 Rebéndan 2012 18:15
KCD: Şêx Seîd çibe, Ocalan jî bi bo gelê me ew e!

Kongreya Civaka Demoratîk (KCD) 6'emîn Komcivîna xwe ya asayi bi beşdariya 800 delegeyî pêk anî. KCD'e piştî komcivînê encamnameya civînê bi civîna çapeeniyê aşkere kir. Li ser KCD'ê Hevseroka Giştî ya KCD'ê Aysel Tugluk encama komcivînê xwend. Tugluk, anî ziman ku li welatên Rojhilata Navîn li dijî rejima desthilatdar têkoşînek daye destpêkirin û li Tirkiyeyê jî gel li dijî polîtîkayên AKP'ê bertekên xwe zêde dikin. Tugluk, anî ziman ku 10 salên desthilatdariyê beramberî 80 salên komarê ye û wiha got: "Hikûmeta AKP'ê bang li hikûmeta Mubarek, hikûmeta Kaddafî û hikûmeta Esad kir ku guh bide dengê gel. Lê Erdogan bi polîtîkayên tepisandin, binçavkirin, girtin û komkujiyan li dijî daxwazên gelê kurd tevgeriya. Hikumeta AKP'ê li dijî daxwazên gelê kurd ji Mubarek, Kaddafî û Esad cudatir tu polîtîka nemeşandin. Heman polîtîkayên şîdet û zextan li dijî gelê kurd meşandin. Heya niha zêdehî 6 hezar siyasetmedarên kurd ên siyaseta legal kirin hatin girtin. 140 şaredar, endamên meclîsa şardariyê û giştî hatin girtin. Parêzer hatin girtin. Xwendekar, rojnameger, rewşenbîr û bi kurtasî hemû derdorên muxalîf hatin girtin û rastî gefên girtinê tên. Ev pêkanîn nîşan dide ku hikûmeta AKP'ê şuna wesayeta leşkerî wesayeta xwe ya siyasî avakir. Hikûmeta AKP'ê bi komkujiya Roboskê helwesta xwe ya komkujî nîşan da. Em bi dengekî bilind dixwazin bêjin kû çawa Çîller encam negirt hûn jî encamê nagirin. Em dixwazin hikûmet û raya giştî ya demokratîk vê yekê bizane. Hemû delegeyên Kongreya Civaka Demokratîk raman û çalakiyên siyasetmedarên kurd ên hatin girtin û niha tên darizandin di pejirîne û tevlî wan dibe. Em heman ramanan pêktînin û dê di heman rê de berdevam bikin.

'6 hezar siyasetmedarên kurd girtî ne'

Tugluk, anî ziman ku di pêvajoya dawî de li ser navê "KCK'ê" tenê di qada legel de 6 hezar siyasetmedarên kurd hatine girtin û 140 hilbijêr şaredar hatine girtin û wiha axivî: "Hemû pêkanîn piştî ku hikûmetê fermana leşkerî pêk anî pêk hat. Di komkujiya li Roboskiyê de bi ser gel de bombe barandin û gel qetil kir. Em bang li hikûmetê dikin û dibêjin çawa Çîller bi ser neket tu jî bi ser nakeve. Heta niha me çi sûc kiribe em dê ji niha û şûnde jî sûcên kuştî, girtî û siyasetmedarên tên darizandin berdewam bikin."

'Em qet li hemberî zilmê serî natewînin'

Tugluk, bilêv kir ku hikûmeta AKP'ê bi pêkanînên dewleta polîs dixwaze hilbijêrên kurd û gel ji hev qut bike û tevgera gelê kurd perçe bike û wiha berdewam kir: "Em qet li hemberî zilm û zordariyê serî natewînin. Bila her kes baş zanibe ku gelê kurd êdî ders ji dîrokê derxistiye û tu cari li hemberî van polîtîkan têk naçe. Çawa ku ev polîtîka di salên 90'î de vala derketin dê ji niha û şûnde jî ev polîtika vala derkevin. Li hemberî van polîtîkayên înkar û îmhayê gelê kurd dê di ber xwe bide û têkoşîna berxwedanê pêş bixe. "

'Ji bo gelê kurd Şeyh Said, Seyit Riza çibe Brêz Ocalan jî heman kes e'

Tugluk, destnîşan kir ku Rêberê PKK'ê Abdullah Ocalan ji bo gelê kurd pir girîng e û wiha berdewam kir: "Tecrîda li ser Brêz Ocalan tê meşandin niha dixwazin bikin zagon. Biha her kes baş zanibe ku gelê kurd û nûnerên gelê kurd tu carî pişta xwe nade nirxên xwe û îxanetê bi nirxên xwe re nake. Ji bo gelê kurd Şeyh Saîd, Seyît Riza, Melle Mustafa, Qadî Muhammed çibe Brêz Ocalan jî ew e. Kesên difikirin ku dê tecrîd bi ser bikeve xwe dixapînin. Bila her kes baş zanibe ku 12 salin li Îmralî tecrîd bi ser neket ji niha û şûnde jî bi ser nakeve. Brêz Ocalan dixwaze pirsgireka kurd bi rêya aştî û demokrasiyê çareser bibe. Polîtîkayên tecrîd û asîmîlasyonê çareseriyê dixetimînin. Ji ber vê yekê em dixwazin dîsa pirsgirêk bi diyalog û muzakereyan çareser bibe. Divê muzakere ji nûve dest pê bikin. Ji bo aştî û demokrasî bi ser bikeve divê Ocalan û gelê kurd karibe serbest û azad siyasetê bike. "

'Kurd polîtîkayên bêzimanî, nasnameyi û bê statuyê red dike

Tugluk, da zanîn ku êdî gelê kurd jî dixwaze wekî hemû neteweyên cîhanê xwedî nasname, ziman, çand, dîrok û statu bijî û êdî bê statu û bê nasnametiyê red dike. Tugluk, bilêv kir ku êdî ev makeqanûna 12'ê îlonê pirsgireka çarese nake û xwest di makeqanûna nû de hemû mafê gelê kurd ê nasname, ziman, çand, statu û neteweyî bê parastin û wiha dawî li axaftna xwe anî. "Daxwaza me di nava wekhevî, aştî û yekîtiyê de Tirkiyeyek demokratîk e. Xweseriya Kurdistan e. Em Xweseriyê ji bo hemû Tirkiyeyê pêş niyar dikin. Êdî divê hemû gelê kurd, nivîskar, rewşenbir, karsaz, karmend, karker, çotkar, mamoste, jin ciwan zarok û hemû beşên gelê kurd divê li dijî van polîtîkayên înkarê rabin ser piyan û tekoşîna berxwedanê pêş bixin. Roj roja berxwedanê ye.

DÎHA

<<Önceki Haber || Sonraki Haber>>

Diger Kurdistan