29 Rebéndan 2012 17:07
Kişanak: Gelê kurd bi hebûn û tinebûnê bi Ocalan ve girêdayî ye!

Li Mêrsînê mitînga di pêşengiya DOKH'ê ya di çarçoveya kampanyaya "Ji Ocalan re azadî ji komkujiya siyasî re na" bi êrîşa polîsan dest pê kir. Di destpêka mîtîngê de polîsan bi bombeyên gazê mudaxaleyî jinan kir û gelek jin ketin bin bandora bombeyên gazê. Jinên li ber avahiya Rêxistina BDP'ê ya Akdenîzê kom bûn hêj mitîngê dest pê nekir rastî mudaxaleya polîsan a bi bombeyên gazê hatin. Ji ber bombeyên gazê gelek jin ji ser hişên xwe çûn û heya niha 2 kes ji aliyê polîsan ve hatin darpkirin û pişt re jî hatin binçavkirin. Piştî Hevseroka Giştî ya BDP'ê Gultan Kişanak û Parlementera BDP'ê Pervîn Buldan hatin qada mîtîngê û bi polîsan re hevdîtin pêk anîn, bûyer bi dawî bû. Li qada mîtîngê ala PKK'ê bi avahiya 3 watî de dakirin. Piştî vê alê polîsan mudaxale kir û 2 jin rastî lêdanê hatin. Di encama muaxaleya polîsan de welatiyek 60 salî birîndar bû û rakirin nexweşxwaneyê. Beriya mîtîngê di mudaxaleya polîsan de xebatkarê NÇM'ê jî rastî lêdana polîsan hat. Polîsên ku êrîşî derdorê kir, deriyên dikan û malan şikandin û bombeyên gazê avêtin hundirê malan.

Piştî Hevseroka BDP'ê Gultan Kişanak û parlementerên BDP'e hatin qada mîtîngê û hevdîtin pêk anîn, mîtîngê dest pê kir. Piştî Kişanak û BDP'î hatin qada mîtîngê girse dîsa kom bûn û tev li mîtîngê bûn. Girsê di mîtîengê de bê navber dirûşmeyên "Bijî Serok Apo" berz kirin.

'Muhatab Brêz Ocalan e'

Hevseroka BDP'ê ya Mêrsînê Aynur Aşan axaftina vekirinê kir û êrîşa polîsan şermezar kir. Aşan, anî ziman ku êdî her kes dibîne ku li hemberî vê biryara me ne tanq û ne top dikarin xwe bigirin û gel li doza xwe xwedî derdikeve. Aşan, anî ziman ku li qadan daxwazên xwe tînin ziman û wiha got: "Em dê li her qadê bêjin Ji Brêz Ocalan re azadî. Li vir careke din hate dîtin ku AKP'ê li Mêrsînê zulma li ser gelê kurd xurt kiriye."

'Em Ocalan wekî rêber qebûl dikin'

Pişt re Hevseroka Giştî ya BDP'ê Gultan Kışanak derket ser dîkê û bi sloganên "Bijî Serok Apo" û "Zext me bêzar nakin" hate pêşwazîkirin. Kişanak, gotina Serokwezîr Erdogan a "Kesên dest dirêjî sivîlan dikin dîktator in" bi birxist û pirsa "Gelo kesên li vir sîvîl nîn in?" ji Erdogan kir. Kişanak, diyar kir ku li vî welatî dayîkan zarokên xwe winda kirin hêviyha aştiyê winda nekirine û wiha got: "Faşîzma AKP'ê li vir e. Ji gotin û sloganên me ditirsin. Em dê hezaran caran sloganan berz bikin. Em dê li qadan bi qêrîn. Em Birêz Ocalan ê gelê kurd ji nû ve afirand û hebûna wî nîşanî hemû cîhanê da wekî Rêber qebûl dikin. Hûn dê vê rastî bi kîjan tiştî biguherîn? 30 salin hemû cureyên zilmê kirin. Hemû tank û topên xwe bi ser me da nîn. Ev gel têkneçû û têknaçe."

'Bê Serok jiyan na be'

Kişanak, anî ziman ku li Agiriyê gorekî temsîlî çêkirin û beton li ser rijandin û li ser nivîsîn "Kurdistana xeyalî li vir veşartiyê" û wiha axivî: "Yanî dibêjin em gelê kurd xilas kir. Êdî li vir dirazê. Lê Birêz Ocalan berxwedanekî wisa nîşan da beton perçe perçe kir. Gelê kurd li qadan azadiya xwe dixwaze. Ji ber wê yêkê têkiliya di navbera gelê kurd û Ocalan de wekî hebûn û tunebûnê bi hêz e. Em bi nasnameya xwe li hev anîn. Kurdîtî êdî bi qîmet e. Li vî welatî em şerim dikir ku em bêjin 'Em kurd in' Em ditirsa me digot dê tişte bi serê me bê. Lê îro li çar aliyên cîhanê em bi kurdîtiya xwe serbilind û bi nasmaneya xwe dijîn. Serê me bilind e. Ji ber vê yekê em dibêjin Bê Serok jiyan na be!"

'Têkoşîna gel bi Ocalan re wekehevîbûn'

Kişanak, da zanîn ku berxwedana gelê kurd bi Ocalan re wekehevbû û li her alî wekî hev têkoşîn tê meşandin û wiha pê de çû: "Birêz Ocalan 11 salan bi tena serê xwe di hucreyê de berxwe da û têkoşîna gelê kurd a aştî û azadiyê temsîl kir. Heke aştî çêbibe dê bi hevdîtin û diyaloga bi Birêz Ocalan re çêbibe."

Piştî axaftinan mitîng bi guhdariya muzîkê bi dawî bû.

DÎHA

<<Önceki Haber || Sonraki Haber>>

Diger Kurdistan