28 Rebéndan 2012 21:04
Li Libyayê, êşkence li alîgirên Qeddafî tê kirin

Li Libyayê piştî lîderê berê Muammer Qeddafî hat înfazkirin jî alozî bi dawî nabe. Niha jî welat bi êşkenceya li alîgirên Qeddafî tê kirin diheje. Her çiqas konseya Netewî ev îdîana qebûl nekir jî Rêxistina Efûya navnetewî û Qaça Sor bûyer piştrast kirin.

Lîbya bi piştgiriya hêzên NATO'yê hate dagirkirin û lîderê berê yê Libyayê Muammer Qeddafî di şer de hate kuştin..

Li welêt Konseya Netewî ya Libyayê welêt bi rêve dibe û li Lîbyayê niha êşkenceya li alîgirên Qeddafî tê kirin tê nîqaşkirin..

Hat ragihandin li girtiyên li girtîgeha Misratayê dimînin êşkenceyên giran tê kirin.

Serokê konseya Eskerî a bajêr her çiqas ev yek înkar kir jî, rêxistinên mafê mirovan ên navnetewî agahiyên êşkenceyê piştrast dikin.

Rêxistina Efuya Navnetewî destnîşan kir ku li gelek navendan, girtî ji ber êşkenceyê hatine kuştin.

Rêxistina Doxtorên sînornenas jî diyar kir ku wan xebatên xwe yên li bajarê Misratayê dane rawestandin.

Li ser vê rewşê berpirsiyiarê Mafê Mirovan ê Netewên Yekbûyî Navî Pillay xwest hikûmeta demborî a Libyayê kontrola hemû girtîgehan bike bin destê xwe.

<<Önceki Haber || Sonraki Haber>>