27 Rebéndan 2012 22:04
Li Surî di bûyerên doh de herî kêm 62 kes hatin kuştin

Koordînasyona Hêzên demokratîk a Sûrî ku di nava wê de PYD jî heye, li Konseya Parlementeran a Ewrûpayê hin hevdîtin pêk anî. Her wiha hate îdîakirin, ku li Surî di bûyerên doh de 62 kes hatine kuştin. Civata Giştî ya Neteweyên Yekbûyî jî carekedin bi mijara Suriyê li hev kom bû.

Koordînasyona Hêzên demokratîk a Sûrî ku di nava wê de PYD jî heye, li Konseya Parlementeran a Ewrûpayê hin hevdîtin pêk anî.

Derbarê hevdîtinan de endamê PYD'ê Hasan Şerwan daxûyanî da û got:

"wan bi serokê komisyona karê derve ya Parlemenê Pietro Marcenaro, seroka koma Lîberal Anne Braseur, Endama komîteya Aştiyê Kersten Longrad û heyetên Filîstînî re hevdîtin pêk anîne.

Şerwan ragihand ku ev hevdîtin li ser vexwendina koma hevgirtî ya partiyên çep pêk hatiye û got; wan di hevdîtinan de aniye ziman ku ew li dijî mudaxeleya hêzên derveye

Li şûna wê ew dixwazin hukûmetek navber ya dikare rejîmek demokratîk ava bike bê sazkirin.

Herwiha Şerwan anî ziman ku wan daxwaza gelê Kurd ya ji bo xweseriya demokratîk jî aniye ziman.

Li aliyê din şer û pevçûnên dijwar jî li Sûrî dewam dikin.

Mala şopandina Sûrî ya navenda wê li Londonê ye jî diyar kir ku di şer û pevçûnên doh de 43 ji wan sivîl bi giştî 62 hatine kuştin.

Di daxûyaniyê de tê gotin tenê li bajarê Humusê yê operasyonên eskerî lê dewam dike de 33 kes hatine kuştin.

Di vê navberê de Konseya Ewlehiyê ya Netewên Yekbûyî jî îro ji bo Sûrî kom bû.

Di civînê de pêşniyarên dewletên Rojava û Yekitiya Ereban ji bo Sûrî amade kirine hatin nirxandin.

Beriya civînê Rûsyayê diyar kiribû ku ewê biryara ji bo îstifakirina serokdewletê Sûrî Beşar Esad veto bike.

<<Önceki Haber || Sonraki Haber>>