29 Rebéndan 2012 13:29
Li Tetwanê 9 binçavkirin, li Qoserê 8 girtin!

Li navçeya Tetwanê ya Bedlîsê polîsan bi ser gelek malan de girt. Di serdegirtinan de rêveberên BDP'ê jî di navde 9 kes hatin binçavkirin. Her wiha li Qoserê jî ji 11 kesên hatin binçavkirin 8 ji wan hatin girtin.

Yekîneyên Midûriyeta Polîsan a Tetwanê serê sibê saet di 05.30'an de bi ser gelek malan de girt.
Polîsan di serdegirtina malan de Rêvebera BDP'a Tetwanê Muazzez Alphan, Endamê Meclîsa Şaredariyê Nurullah Akdemir û endamê DYG'ê Yalçın Aysal jî heye 9 kes binçavkirin. 9 kesên hatin binçavkirin birin Midûriyeta Polîsan a Tetwanê. Sedema binçavkirinê nehat zanîn.

Li Qoserê ji 11 kesên bi serdegirtinan de hatibûn binçavkirin 8 kesên di nav de Nûnerê Rojnameya Azadiya Welat Azîz Tekîn jî heyî hatin girtin.

Li navçeya Qoserê ya Mêrdînê polêsan doh danê sibê avêtibûn ser şaredariyê, rêxistina BDPê, akademiya BDPê ya Siyasetê û gelek malan.

Di vê terorê de Nûnerê Rojnameya Azadiya Welat yê Mêrdînê Azîz Tekîn, keça Tekîn S.T., Cigîrê Rêxistina BDPyê yê Qoserê Kenan Akdogan, Cigîra Şaredariya Qoserê Leyla Salman, Endama Meclîsa Şaredariya Qoserê Nûran Tûran, Endamê Meclîsa Bajar yê BDPyê Mesût Gumuş, endamên BDPyê Mîthat Guneş, Şukriye Yilmaz, Haci Araf Sirdaş, Veysî Erdem û kesek navê wî nehat zanîn hatibûn binçavkirin.

11 kesên hatibûn binçavkirin sewqî edliyê hatin kirin û îfadeya wan hate girtin..

Piştî îfadegirtinê ji 11 kesan 8 kes hatin girtin û şandin Girtîgeha Tîpa E a Mêrdînê.

<<Önceki Haber || Sonraki Haber>>