01 Berfanbar 2011 11:54
Li Tokatê li dijî karkerên kurd êrîş

Li Tokatê li dijî karkerên kurd ên ku li Kooperatîfa Yazicioglu dixebitin bi gotina "em li vir kurdan naxwezin" êrîş pêk hat.

Li Tokatê li dijî karkerên kurd ên ku li Kooperatîfa Yazicioglu dixebitin bi gotina "em li vir kurdan naxwezin" êrîş pêk hat.

Li Tokatê li dijî karkerên kurd ên ku li Kooperatîfa Yazicioglu dixebitin êrîşeke nijadperest çê bû. koma ku duh şevê êrîşî karkeran kirserê sibehê dîsa hat înşeatê û bi sloganan xwestin careke din êrîş bikin. Polîs hatin cihê bûyerê û lê êrîşkar hê jî li wir in.

Ji karkeran Ferhat Tugran anî ziman ku li diwarên şantiyeyê "Ev der tirk e dê tirk bimîne" hatiye nivîsandin û şefê şantiye nivîs daye paqijkirin. Tuguran bilêv kir ku piştre jî komeke ku ji 100 kesan pêk tê hatiye û bi gotina "hûn çima vê nivîsê jî dibin em li vir kurdan naxwazin" acîzbûna xwe anîn ziman û piştre jî êrîşê wan kirine, bi çekan resterast gulebaran kirine.

Tugran da zanîn ku heta saetên dereng ên şevê nobet girtine û kesên ku bi şev êrîşî wan kirine serê sibehê dîsa hatine û hê jî li wir in û bi gotina "hûn ê bi saxî li vir dernekevin" wan tehdît dikin. Tugran got ku êrîşkar dixwazin wan lînc bikin, polîs hatine lê ewlehiya canê wan nîn e.

Tugran anî ziman ku alozî didome û banga bihistiyariyê li saziyên têkîldar kir.

<<Önceki Haber || Sonraki Haber>>