01 Berfanbar 2011 18:43
Li gundê xwe ji aliyê deh hezar kesan ve hate definkirin

Cenazeyê Serdar Tekîn ê HPG'î yê lu navçeya Pîranê ya Amedê di pevçûnê de jiyana xwe ji dest da ji aliyê 10 hezar kesan ve li gundê jê dayik bûye hate definkirin.

Cenazeyê Serdar Tekîn (Ciwan Amed) ê HPG'î ku li navçeya Pîranê ya Amedê di pevçûnê de jiyana xwe ji dest da li gundê Helhel a navçeya Hezroya Amedê hate definkirin. Cenazeyê Tekîn serê sibehê li Goristana Yenîkoyê piştî wecîbeyên olî hatin bicihanîn bi konvoyeke bi sedan wesayîtan pêk tê ber bi gundê lê dayik bûye ve hate derxistin. Parlamenterê BDP'ê yê Colemêrgê Adil Kurt, rêveberên BDP'ê yêh bajar, Serokê Giştî yê MEYA-DER'ê Huseyîn Kugu, serokên Rêxistinên BDP'ê yên Hênê, Licê, Karaz, Bismîl, Hezro, Farqîn û Pasûrê, endamên Însiyatîfa Dayikên Aştiyê û şaredaran jî di konvoyê de cih girtin û li 3 kîlometre dûrî gundê Helhelê bi dirûşmên "Şehîd namirin" û alên PKK'ê KCK'ê hate pêşwazîkirin.

10 hezar kes bi dirûşma 'Şehîd namirin' ve meşiyan

Li vir bi hezaran kesên ku ji wesayîtan daketin cenaze girtin ser milên xwe û ber bi gund dest bi meşê kirin. Bi sedan kesên ku ji gundên derûdorê hatin jî beşdarî meşê bûn. Hejmara girseyê bi tevlibûnan gîhişt deh hezar kesan û malbata Tekîn jî bi siniya li ser find û hine hebû ve meşiya. Di meşê de pankarta ku wêneyên Tekîn û 2 hevalên wî yên di pevçûnê de jiyana xwe ji dest dabûn jî hebû hate vekirin û bênavber dirûşmên "Şehîd namirin" "Bijî Serok Apo" hatin berzkirin. Ji bo cenazeyê Tekîn gundên derûdorê jî wekû ku vala bûn. Li girê jora gund ciwanan bi keviran "PKK" "Apo" nivîsandin.

'Pêwîst be 7 zarokên min jîdê biçin çiya'

Ji bo nimêja cenazeyê Tekîn deh hezar kesan ref girîdan. Piştî nimêja cenaze bapîra Tekîn Dilşa Tekîn axivî û got ku 7 kurê wê hene û heke pêwîst be ew ê jî biçin çiyan. Cenaze bi dirûşman hate definkirin û piştre jî ji bo kesên di têkoşîna azadiyê de jiyana xwe ji dest dan rêz hate girtin.

Ji bo Tekîn dê sersaxî li gund bên qebûlkirin.

<<Önceki Haber || Sonraki Haber>>

Diger Jîngeha Kêde