28 Rebéndan 2012 20:55
Meşa şermazarkirina Komploya Navnetweyî, 31'ê Çileyê destpê dike

Bernameya meşa dirêj a Konfederasyona Komeleyên Kurd a Ewrûpayê KON-KURD organîze dike zelal bû.

Meş wê bi tevlîbûna nûnerên saziyên Kurdan, siyasetvan, rewşenbîr û hunermandan bi slogana 'Ji Ocalan re azadî ji gelê Kurd re statuya siyasî' pêk were.

Meşa dirêj 31ê Çile wê li bajarê Cenevre yê Swîsreyê bi mitîngekê were destpêkirin û 1ê Sibatê saet 8ê Sibê wê destpê bike.

Rawestgeha çalekgeran jî wê bajarên Swîsre Nyon, Morges, Lozan, Bern, Burgdorf, Langerthal, Olten, Liestal, Basel û bajarên Fransa Sierentz, Mulhouse, Meyenheim , Colmar, Selestad, Erestheim bin.

Çalakger 15ê Sibatê wê bigihîjin Strasbourgê.

16ê Sibatê jî wê Kurdistanî bimeşin Parlemena Konseya Ewrûpayê.

Li vir heyetek wê were sazkirin û hevdîtin pêk werin û dosyayên daxwazên Kurdistaniyan têde bidin rayedaran..

Çalakger 17ê Sibatê jî wê li pêşiya avahiya Komîteya Pêşîlêgirtina li Êşkenceyê CPTyê bin.

Li vir jî têkildarî tecrîda girankirî ya li ser Rêberê Gelê Kurd Abdullah Ocalan ya ev 6 meh zêdetire dewam dike, hevdîtin pêk werin û dosya werin pêşkêşkirin.

18ê Sibatê jî beşdarên meşa dirêj, wê tevlî meşa 13. salvegera komploya navnetweyî ya li ser Rêberê gelê Kurd Abdullah Ocalan pêk hat, bibin.

Hûn dikarin agahiyên ji bo meşê ji navnîşanên îmaîlê yên ' mesazadi2012@yahoo.com, info@kon-kurd.org û hejmara telefonê 003226479953 wergirin.

KON-KURD armanc û daxwazên meşê jî carekedin bibîrixst..

Konfederasyonê bal kişand zextên li ser Roj Tv û polîtîkaya qikirinê ya li hemberî gelê Kurd zêde bûne.

KON-KURDê destnîşan kir, ku tecrîda ev 13 salin li ser Rêberê Gelê Kurd Abdullah Ocalan pêk tê zêdetir bûye û got, helwesta hevkar a Neteweyên Yekbûyî, Dadgeha Mafê Mirovan a Ewrûpayê û CPTyê yên li hemberî vê tecrîdê bêdeng in, fikar û nerazîbûnan zêde dike.

<<Önceki Haber || Sonraki Haber>>

Diger Kurdistan