03 Resemi 2012 11:04
Nûçegîhanê DÎHA'yê Murat Çîftî ji ber nûçeya 'Şahida nepen' Gulistan Encu hate girtin

Şahida nepen Gulîstan Encu, ku li ser îfadeya wê di 1'ê cotmeha 2010'an de ji doza KCK'ê parlementerê BDP'ê yê Rihayê Îbrahîm Ayhan û Hevseroka BDP'a Rihayê Adile Fîdan 28 kes hatin binçavkirin û pişt re 9 kes hatin girtin yekem car ji ajansa DÎHA'yê re axivîbû. Li ser îfadeya Encu ya "Dê min bişandana çiya" 28 kes hatibûn binçavkirin û jê 9 kes hatibûn girtin. 9 kes hêj li Girtîgeha Tîpa E ya Rihayê girtî ne. Piştî girtina 9 kesan Encu yekem car ji DÎHA'yê re axivîbû û gotibû ew hatiye lîstika polîsan. Ji ber ku nûçegîhanê DÎHA'yê yê Rihayê Murat Çîtfçî bi Gulistan Encu re roportaj kir û nûçeya wê weşand di 24'ê çile de ji aliyê Dozgeriya Komarê ya Amedê de der barê wê de doz hate vekirin û dema li Rihayê çû îfade da ji bo rê hate girtin. Çîtfçî piştî derxistin 4'emin Dadgeha Cezayê Giran a Amedê bi îdîaya "Alîkarî bi rêxistinê re kiriye hate girtin û şandin Girtîgeha Tîpa D a Amedê. Em nûçeya Çîftçî ku bû sedema girtina wî dubare didin.

'Min diya xwe di qezayê de winda kir, bavê min ji doza PKK'ê girtî ye'

Gulîstan Encu, diyar kir ku ew bi vîna xwe ya azad dixwaze rastiyan bêje û wiha got: "Li ser min tu tundî tune. Ez dixwazin bi vîna xwe ya azad rastiyan bêjim. Bavê min li Girtîgeha Tîpa D'yê ji doza PKK'ê girtî ye. Min diya xwe di qezaya trafîkê de winda kir. Hêj ez biçûk bûm min li xwişk û birayê xwe nerî. Bavê min û Şaredarê Pirsûsê Etem Şahîn di heman odeyê de dimînin. Ji min xwestin ku ez êdî rastiyê bêjim."

'Ez li ŞHÇEK'ê bi cih kirim'

Encu, anî ziman ku wê ji hevsera Şaredarê Pirsûsê Etem Şahîn û endama SES'ê Aynur Şahîn alîkarî xwest û li ser vê yekê li cem kuafêra N.A dest bi xebatê kir. Di serî de N.A.bi min re axivî û min zahmetiyên xwe bi wêre parve kir. Pişt re Aynur Şahîn hat bi min re axivî. Ez bi mahra mela zewicîm. Pişt re ji ber ku hevserê min araq vedixwar min xwest vegerim mala bavê xwe. Aynur jî xwest ez baş bifikirim û pişt re biryara xwe bidim. Lê min xwest ji hevserê xwe biqetim. Pişt re ez li gel Aynûr û Adîle Fîdan çûn Sêwêregê malbata Îbrahîm Ayhan. Li gel me Azîze Yagiz jî hebû. pişt re min û Azîze hinekî sohbet kir. Min di sahbetan de li ser zor û zahetiyên xwe serpêhatiyên xwe vegot. Em qet li ser karên rêxistinî û çiyê neaxivîn. Pişt re li ser daxwaza min ez şandim Amedê. Pişt re ez çûm BDP'a Amedê û Mensure Ergîn ez pêşwazîkirin. Mensure jî ez birim Navenda Pêkanîn û Lêkolîna Pirsgirêkên Jinan a Amedê (DİKASUM). Ez 4 saetan li wir mam, ez aciz bûm û min qirîz derbas kir. Jinên wir ez rakirim nexweşxaneyê. Ez ji wir sewqî Nexweşxaneya Elezîzê kirim. Pişt re ez teslîmî Şaxa Zarokan a Midûriyeta Polîsan a Amedê kirim. Ez ji wir jî teslîmî SHÇEK'ê kirim.

'Polîsan lîstik anî serê min'

Encu, anî ziman ku Omer Înal ew ji yûrdê derxist û wiha got: "Dema ku ez winda bûn bi ser kuafora N.A'de girt û çek li wan kişandin. Pişt re li ser daxwaza min hat ez ji yurdê revandin. Pişt re polîsan Omer binçavkirin. Min jî, ji bo ku hevserê min bê berdan got "N.A ez revandim. Hevserê min bêsûc e. Li ser vê yekê polîsan jî kemîn li pêş min danî. Polîsan ji min re got bêje 'Jinan xwest min birevînin çiyê' û ez jî li ser wê xapiyam."

'Ji min re çi gotin min jî qebûl kir'

Encu, anî ziman ku polîsan ew bir nexweşxaneyê û li wir derman dan wê û wiha pêde çû: "Ez pişt re dîsa birim Şaxa TEM'ê. Ji ber îlacan ez ne li ser hişê xwe bûm. Ez ji cihê girtî ditirsim. Ez 2 saetan di nezaretxanê de hiştim. Ji bo min ji wir derxin min got çi bêjin ez dê bikim. Min bang li polîsan kir û got 'Min ji vir derxin hûn çi bêjin ez dê wê bikim. Li ser vê yekê polîsan got çi, min jî qebûl kir. 4-5 polîs hatin ser min. Çi ji min re gotin min jî got erê. Lê di rastiyê de tiştekî wisa tune bû."

'Piştî îfadeyê polîsan pere dan min'

Encu, anî ziman ku piştî îfadeyê polîsan ew birin Şaxa TEM'ê ya Rihayê û wiha dirêjî da axaftina xwe: "Ez birim cem dozger. Çawa ku dozger ez dîtim got tundî li ser vê keçikê kirine û polîs derxistin derve. Dozger got netirse rastiyê bêje. Lê ji ber ku ez ji polîsan ditirsiyam min li cem dozger dîsa derew kirin." Encu, da zanîn ku pişt re li ser daxwaza bavê wê ew teslîmî Parlementerê BDP'ê yê Rihayê Îbrahîm Bînîcî hate kirin. Encu, destnîşan kir ku Bînicî ji wê re gotiye 'Tu dixwaze îfadeyê bide ya na?' û li ser daxwaza min Bînîcî ez birim Amedê. Piştî me çûn Amedê û dozger ez dîtim got em dê sibê îfadeya wê bistînin. Piştî ku ez dîsa çûm mal û polîsan ez ji malê binçavkirim, dîza polîs û dozgeriyê ez tirsandim û gotin 'Ger ku tu îfadeya xwe biguhere herî kêm tu dê 4 salan di girtîgehê de bimîne." Lê ji ber ku ez tirsiyam min îfadya xwe neguhert. Ez hatim lîstikan û min rastî negot. Ez niha rastiyan dibêjim."

Encu, anî ziman ku ji ber niha rasti gotiye derûniya wê rehet bûye û aram e.

<<Önceki Haber || Sonraki Haber>>

Diger Kurdistan