24 Rebéndan 2012 12:14
Ocalan nota nivîskî ya wekî 'Ev der pir hesas e' şand

AKP di çarçoveya siyaseta şantajê û tolhildanê de, 189 rojin hevdîtinên parêzeran ên bi Ocalan re asteng dike.
AKP bi vê yekê dixwaze tola deşîfrebûna siyaseta tesfiyekirinê ji Ocalan bigire.
Lê belê Ocalan tevî şertên dijwar, plan û lîstikên AKP'ê xera dike.
Herî dawî hefteya dawî, AKP ji bo siyaseta şantajê veşêre birayê Ocalan Mehmet Ocalan û xizmên 2 girtiyên din birin Îmraliyê.
Lê belê Ocalan bi derneketina hevdîtinê careke din plan û hesabên AKP'ê xera kirin.
Ocalan nota nivîskî ya wekî "Ev der pir hesas e. Derketina hevdîtinê ne musaîte.Haya me ji tiştên wir çê dibin nîne" şand
Ocalan bi vê yekê careke din bal kişand ser sîstema êşkencê ya Îmraliyê û destûr neda lîstika AKP'ê.
Ocalan bi vê peyama kurt rê li ber nîqaşan vekir û ev nîqaş jî hê didomin.

Li aliyê din, çalakiyên kurdistaniyan ên li dijî sîstema êşkencê ya Îmraliyê jî her ku diçin zêde dibin.

Jinên li Amed û Mersînê xwe ji bo mitingên li Amed û Mersînê amade dikin.
Heyecana jinan ên wê li Amedê bi herikin meydana Stasyonê di asta herî jor de ye.
Amadekariyên Mitînga li Amedê jî dewam dikin.
Di civînên jinan ên li navçeya Bismîlê de, banga tevlîbûna mitingê hate kirin.

Li navçeya Riha Pirsûsê jî, rêxistina BDPa navçeyê li pêş avahiya partiyê, li dijî tecrîdê daxûyanî da.
Tevlî rêveberên BDP'ê , dayikên aştiyê jî tevlî daxûyaniyê bûn.
Rêveberên Rêxistina bajêr a Edeneyê jî, qanûna ku tê plankirin vê hefteyê bixin rojeva meclîsê û tê wateya rewakirina tecrîdê, bi daxûyaniyekê protesto kirin.
Bi sedan daxwazname û faks, ji postaxaneya Navendê şandin Serokatiya Parlamenê.

Berxwedana girtiyên ji doza PKK û Pjakê, ya li dijî siyaseta tecrîdê dewam dike.
Girtiyên ji doza PKK'ê yên di girtîgeha Tîpa E ya Gumuşhaneyê de diyar kirin, ku wan çalakiya greva birçîbûnê ya bêdem dane destpêkirin.
Hate destnîşankirin ku, ji girtiyan Îbrahîm Ûgûr, Alaattîn Befre, Şukru Ozalp û Sûat Sansûr ji 16'ê meha Çilê û vir ve di çalakiya greva birçîbûnê ya bêdem û bêdorveger de ne.

Di vê navberê de, Sendikaya parezerên demokrat a Ewrûpa çalekiya xwe ya Îsal ji bo 36 parezerên Ocalan yên di girtigehan de ne pêk tîne.
Li Belçika, Hollanda, Elmanya, İspanya, İtalya, Fransa û Tirkiye wê îro çalakî werin lidarxistin..
Sendikaya parezerên Fransa, komeleya hiquqnasên hemdem û Plaforma Azadiyê ya pişti ku parezerên Ocalan hatin girtin hat avakrin, piştgiryê didin çalakiyê.
Li paytexta Fransa Parîsê sendikaya parezerên demokrat bi kincên xwe yên li ser Kar bang li hemû hepîşeyên xwe kirin, ku sibê saet 15'an de tevli çalakiyên li ber konsolosxaneyên Tirkiyê bibin.
Endamên platforma azdiya Ocalan jî, wê li navçeya Beşiktaş a Stenbolê çalakî lidarbixin..
Endamên rêxistina huqûqnasên Hemdem jî wê saet di 12'an de li ber dadgeha Enqerê wê werin cem hev.

<<Önceki Haber || Sonraki Haber>>

Diger Nûçe