30 Sermawez 2011 10:58
Parêzerên Ocalan ji Gemlîkê hatin vegerandin

Parêzerên Rêberê Gelê Kurd Abdullah Ocalan ên ku ev 126 roj in nikarin bi miwekîlên xwe re hevdîtinê pêk bînin ji bo hevdîtinê hatin Fermandariya Cendirmeyan a Gemlîkê bi hinceta "keştî xirab e" hatin vegerandin.

Piştî ku hefteya borî 33 parêzerên Rêberê Gelê Kurd Abdullah Ocalan operasyona di bin navê KCK'ê de hatin girtin, parêzer duh ji bo ku biçin giravê duh ji nû ve serî li dozgeriyê dabûn. Ji ber ku bersiveke erênî yan jî neyînî ji aliyê Dozgeriya Komarê ya Bursayê ve nehat dayîn parêzer Mazlum Dînç, Azîze Denîz Taşdemîr û Baran Dogan ji bo ku bikaribin biçin Îmraliyê hatin navçeya Gemlîkê. Parêzerên ku hatin Fermandariya Cendirmeyan a Gemlîkê li vir nêzî saet û nîvekî hatin rawestandin.

Dînç, Taşdemîr û Dogan bi hinceta ku "keştî xirab e" hatin vegerandin. Parêzerên ji bo çûyîna giravê destûr nehat dayîn ji bo ku bi Dozgeriya Komarê ya Bursayê re hevdîtinê pêk bîne derbasî Bursayê bûn.

Hefteya borî operasyona di bin navê KCK'ê de 33 parêzerên Ocalan hatibûn girtin. Ji 27'ê Tîrmehê heta niha ji bo ku parêzer bi Ocalan re bi hincetên "muxalefeta hewayê" û "keştî xirab e" nikarin hevdîtinê pêk bînin.

<<Önceki Haber || Sonraki Haber>>