28 Rebéndan 2012 20:57
Platforma 'ji bo aştiyê ji Ocalan re azadî' dest bi xebatên xwe kir

Platforma ji bo aştiyê ji Ocalan re Azadî' ya 18ê Çile ji aliyê 7 jinan ve damezrandina wê hate îlankirin, dest bi xebatên xwe kir.

Endamên platformê Şebnem Korur Fîncanci, Eren Keskîm, Emîne Ayna, Ayşe Batumlu, Zubeyde Teker, Ayla Akat Ata û Hurriyet Şener civîna xwe ya pêşî li darxistin û plan û biryarên dane bi raya giştî re parve kirin.

Platformê daxuyaniyek nivîskî da û destnîşan kir, ku ji bo azadiya Ocalan ewê ji xebatên navnetweyî jî sûdê bigrin û wiha hate gotin:

"Em dixwazin parve bikin, çima li ser van axan, em dibêjin 'ji Ocalan re azadî'. Emê bi serdana Başûrê Efrîkayê, bi rêveberên kampanyaya 'Mandela bila were berdan' re werin cem hev û ji tecrûbeyên wan ên li wir sûdê bigirin. "

Di daxuyaniyê de tê destnîşankirin, ku platforma hatî damezrandin, platformeke kampanyayê ye û ev platform ne tenê bi jinan bi sînorkirî ye ji her kesî re vekirî ye.

Platforma ji Ocalan re Azadî, dema kampanyayê weke 6 mehan destnîşankir..

Têkildarî xebatan, wê Emîne Ayna û Eren Keskîn berdevkiya platformê bikin.

Platform, di 3 mehên pêşî de hem di nava raya giştî ya hûndir û ya derve de wê çalakiyên ji bo naskirina platformê li darbixe.

Xebata, ku wê bi pirsên weke çima 'em ji Ocalan re azadiyê dixwazin' pêdivî û pêwistiya wê çiye? û bersiva wan were dayîn,,

Di serî de wê bi hemû partiyên li meclîsê re, sefaretxaneyan, sendîka, odeyên pîşeyî û hemû rêxistinên civaka sivîl re were li darxistin.

Platform li derveyî welêt jî bi saziyên siyaset û ji siyasetê bilindtir re û hevdîtinan pêk bîne û dosyayan pêşkêş bike.

Endamên platformê bi rojnamevan, nivîskar, rewşenbîr, nûnerên saziyan û rusipiyên beşên cihê yên civakê re jî civînan li dar bixe.

Civîna pêşî jî di 2ê Sibatê de wê li Lokala Cemiyeta Rojnamevanan a Çagaloglu ya Stenbolê were lidarxistin.

<<Önceki Haber || Sonraki Haber>>

Diger Kurdistan