21 Rebéndan 2012 19:38
RSF: Biryara yekalî ya Eutelsat'ê sosretek e

Endamê Komîteya Parastina Rojnamevanan û rojnamevanê Danîmarkî Magnus Ag biryara Eutelsatê ya astengkirina weşana me, bi nîveseke sernavê 'Bi doza Roj Tv mafên çapemeniya kêmnetew û qanûnên terorîzmê di rojevê de ne' nirxandin.
Di nivîsê de hate destnîşankirin, ku biryar tevî serlêdana Roj Tv a dadgeha bilind hatiye wergirtin.
Û hate gotin, pêvajoya dozê dikare heta bi Dadgeha Mafê Mirovan a Ewrûpayê jî biçe..
Hate bibîrxistin, ku dadgehê destûr nedaye, ku ji bilî dîmenên dozger pêşkêş kirine, dîmenên alternatîf werin pêşkêşkirin.
Magnus Ag diyar kir, ku ji bo naveroka weşana Roj Tv bi awayekî adilane were nirxandin, divê zextên li ser azadiya xweîfadekirinê ya li Tirkiyê û pirsgirêka Kurd baş were fêmkirin.
Ag got, çiqasî sekreteriya medyayê ya Danîmarkayê gotibe, ewê li gorî biryara dadgehê lîsansa Roj Tv di ber çavan re derbas bike jî, nayê texmînkirin, ku beriya biryara dadgeha bilin vê yekê binirxîne.
Lê belê hate bibîrxistin, Eutelsat bêyî ku li hêviya biryara dadgehê bisekine biryara rawestandina weşanên Roj Tv da.
Ag destnîşan kir, Roj Tv ya ku Eutelsatê biryara rawestandina weşana wê da, li Ewrûpa û Rojhilata Navîn bi milyonan temaşevanên wê hene.
Endamê Komîteya Parastina Rojnamevanan Magnus Ag got, biryara şîrketê cihê tirs û fikaran e û bi vê biryarê saziyên çapemeniyê yên kêmnetewan di bin tehdîtê de ne.

Rêxistina Rojnamevanên Sînornenas RSF, ku navenda wê jî li Parîsê yê daxuyaniyek dabû û li dijî biryara şîrketa Eutelsatê nerazîbûneke tund nîşan dabû.
RSFê destnîşan kiribû, ku Eutelsatê xwe xistiye şûna edalatê û bi vê biryarê azadiya xweîfadekirinê binpêkiriye û biryareke sosret e.

Ajansa The Epoch Times jî, bi manşeta "Eutelsat weşana Roj Tv dide seknandin" ji xwendekarên xwe re ragîhand.
Ajansa nûçeya The Epoch Times, herwiha cîh da daxuyaniya Rêxistina Rojnamevanên Sînornenas û desîşankir ku, bi vî awayî mafê ragihandinê tê binpêkirin.

<<Önceki Haber || Sonraki Haber>>

Diger Cîhan