24 Sermawez 2011 13:17
Şandên dewletê nameyên Ocalan birin Qendîlê

Hevserokê BDP’ê Selahattîn Demîrtaş li ser hesabê xwe yê Twitterê bersiv da îdîayên di çarçoveya operayonên di bin navê KCK’ê de, der barê wî de tên kirin. Demîrtaş nerazîbûn nîşanî nûçeya "Parêzeran fermana Ocalan bir Qendîlê" ya çapemeniya Tirk da û got; “Nameyên ji Îmraliyê diçûn Qendîlê ne bi riya parêzeran, bi haya Serokwezîr û bi riya şandên dewletê diçûn Qendîlê.”

Demîrtaş bi 10 twîtan helwesta çapemeniya Tirk a li hemberî operasyonên di bin navê KCK’ê de têne meşandin rexne kir. Demîrtaş ji bo nûçeyên di çapemeniyê de wiha nivîsand; "Rojbaş, saziyên çapemeniyê yên AKP’ê, y.şafak,zaman,bugun,akit... propagandaya qirêj a şer ji yên 28’ê Sibatê fêr bûn. Statîkoperestên wê demê jî."

Demîrtaş destnîşan kir ku operaysonên di bi navê KCK’ê de têne meşandin “dafik” in û got ku ji aliyê Serokwezîr Erdogan ve têne birêvebirin. Demîrtaş wiha domand; "Li hemberî Îslamiyan jî êrişeke wiha neheq meşandin, Lê winda kirin. Ji ber gel rastiyan baş dizanî. Niha jî hêza desthilat AKP û çapemeniya wê êrişê Kurdan dikin, lê wê winda bikin, ji ber ku gel rastiyan dizane. Herî baş Serokwezîr Erdogan dizane nunerên wan kî ne. Ji ber ku gelek caran bi wan re hevdîtin pêk anîn. Nameyên li Îmraliyê hatin nivîsandin, ne bi riya parêzeran, bi haya Serokwezîr û şandên dewletê çûn Enqereyê. Ger tiştên ji Îmraliyê tên ferman bin, wê çaxê, postavan û navbeynkar jî AKP ye.”

Demîrtaş diyar kir ku ew tiştên ku di pêvajoya aşitiyê de dihatin kirin, asayî dibînin, lê ku dor hate parêzeran û BDP’ê. Demîrtaş got; "Ev êrişên wiha qirêj, dibe sedem ku zoriyê bidin peydakirina zemînek nû ji bo aşitiyê û bêqîmê bi xwe re tîne. Lê di her pêvajoyekê de gotinek rast a serokwezîr heye; BI ZILMÊ ABAD NABE. Ji bo îdîayên der barê min de jî tenê bikevin Googleyê, hûn ê dîroka wan nivîsan û rastiyan bibînin."

<<Önceki Haber || Sonraki Haber>>

Diger Polîtîka