31 Rebéndan 2012 14:54
Şaredarî dê biryara girtina Mala Piştgiriya Perwerdehiyê ya Dersimê îtiraz bikin

Şaredara Dêrsimê Edîbe Şahîn, der barê biryara têkildarî girtina Mala Piştgiriya Perwerdehiyê ya Dilek Serîn ku sala par ji aliye şaredariye ve hate vekirin û der barê wê de biryara girtinê hate dayîn bertekên xwe anî ziman. Şahîn, anî ziman ku ew dê biryarê îtîraz bikin.

Xwendekarên Mala Piştgiriya Perwerdehiyê ya ji aliyê Şaredariya Dêrsimê ve ji bo bîranîna Dîlek Sarin a 3 salî bi dayîka xwe re di operasyoneke leşkerî de winda bûn hatibû vekirin, piştî hate girtin mexdur bûn. Ji bo Mala Piştgiriya Perwerdehiyê çareke din bê vekirin, şaredarî dê biryarê îtîraz bikin. Li Mala Piştgiriya Perwerdehiyê li ser baweriya elewiyan û zimanê zikmakî perwerdehî dihate dayîn û xwendekarên malê filmekî kin a bi navê "Şahmeran" jî kişandibûn.

Li Dêrsîmê di çarçoveya "Hewildana elewiyan" li zanîngehê têkildarî baweriya elewiyan de ders hatin dan û di heman çarçoveyê de Waliyê Dêrsîmê "Dersên elewîtiyê" dan polîsan. Li gel vê yekê, Mala Piştgiriya Perwerdehiyê ya Dîlek Serîn a Şaredariya Dêrsîmê hate girtin. Mala perwerdehiyê ku sala par ji aliyê şaredariyê ve hate vekirin, ji aliyê Midûriyeta Perwerdehiya Neteweyî ve bi hînceta "Li dijî madeya 42'yan a Makezagonê û madeyên 56-57 ên Zagona Bingehîn a Perwerdehiya Neteweyî ya hejmara 1739'an xebatê dike" hate girtin. Walîtiyê xwest tabeleya navê Dîlek Serîn li ser nivîsî bê daxistin. Bertekên li dijî vê yekê berdevam dikin. Şaredara Dêrsîmê Edîbe Şahîn, diyar kir ku gelê Dêrsîmê vê biryarê qebûl nakin û dê li dijî vê yekê îtîraz bikin. Şahîn, anî ziman ku ev biryar ji biryarên din ên li dijî malên perwerdehiyê yên şaredariyên BDP'î vekirin serxwebûn nîn e.

Li mala perwerdehiyê 200 xwendekaran perwerdehiya baweriya kizilbaş a elewiyan û zaravayê kirmançkî yê kurdî digirt. Malbatên dixwastin perwerdehiya "dersên olê yên bi zorê" bên rakirin diyar kirin ku ji bo zarokên wan hînî baweriya elewiyê bibin rêdikirin malba perwerdehiyê. Malbatên rewşa wan ne baş ên zarokên xwe dişandin mala perwerdehiyê jî diyar kirin ku heke di betlanaya navberê de mala perwerdehiyê neyê vekirin dê vê biryarê şermezar bikin.

Li Mala Piştgiriya Perwerdehiyê di hemû qadan de pol hatin vekirin û li gel vê yekê xebatên çandî û hûnerî jî dihatin meşandin. Di çarçoveya xebatên çandî de komeke xwendekaran filma bi navê "Şahmeran" kişand û film dê di Mihrîcana Dêrsîmê de bê pêşandan.

Windaya herî biçûk: Dîlek Serîn

Mala Piştgiriya Perwerdehiyê ya Dîlek Serîn a Şaredariya Dêrsîmê par ji bo bîranîna Dîlek Serîn a 3 salî ya ku bi 7 endamên malbata xwe re di operasyona Tugya Komando ya Bolu de windabûn hate vekirin. Ji bo vekirina saziyê gelek xizmên windan tevlî bûn.

(ft/mae)

<<Önceki Haber || Sonraki Haber>>