18 Rebéndan 2012 20:51
Serokê koma sosyalîst ya pe'yê Swoboda: mafê kurdan ê otonomiyê heye

Serokê Koma Sosyalîst a Parlemena Ewrupayê Martîn Schultz ji bo serokatiya Parlemenê hat hilbijartin û li şûna wî jî, Hannes Swoboda yê Avusturî bû serokê koma Sosyalîst a Parlemena Ewrûpayê.
Swoboda piştî ku ji bo serokatiya koma sosyalîst hat hilbijartin di brîfînga xwe ya pêşî de li ser pirsgirêka Kurd axivî.
Swoboda got, çareseriya pirsgirêka Kurd girêdayî hevdengiya ramana azad e.
Û hukumeta AKP, berovajî bendewaryan tevdigere.
Swoboda herwiha diyar kir, ku ewê li Tirkiyê piştgiriya kesên pêşverû û parêzvanên mafên mirovan bikin û li cem gelê kurd bin.
Swoboda wekî din got, hukumeta AKP ji qanûna dijî terorê sûdê werdigre û êrişan dibe ser kurdan û derdorên muxalîf. Di eslê xwe de mafê kurdan heye bi zimanê xwe perwerdê bibînin, siyasetê bikin û xweseriya demokratîk bi dest bixin.
Û destnîşan kir, ku pêwistiya Tirkiyê bi destûreke bingehîn a nû ya ku mafên mirov û hindikayiyan misoger dike, heye.
Swoboda herwiha got, weke koma sosyalîst ewê piştgiriya van mafan bikin û her tim biparêzin.

<<Önceki Haber || Sonraki Haber>>

Diger Cîhan