04 Berfanbar 2011 11:18
Serokwezîr 'Jahrê' belavdike

Li aliyekî Serokwezîr li şûna konteynir û malên prafabrîk li welatiyan belav bike got heta meha tebaxe îdare bikin, li aliyê din Midûriyeta Wezareta Piştgirî û Alîkariya Civakî li şûna pirsgirêka sermayê çareser bike li welatiyan komira bê qalîte belav dike û welatiyan jahrînî dike. Dayika 7 zarokan Elîf Ateş, diyar kir ku erdhejê ew nekuştin, lê dibe ku komir wan bikuje.

Li Wanê piştî erdhejên 23'ê cotmehê ya hêza wê 7,2 û 9'ê mijdarê hêza wê 5,6 pêk hat; 28 hezar û 500 xanî hilweşiyan û 644 welatiyan di bin xerabeyan de jiyana xwe ji dest dan. Li şûna ku Serokwezîr konteynir û malên prafabrîk li welatiyan belav bike got heta meha tebaxe îdare bikin. Dîsa li aliyê din Midûriyeta Wezareta Piştgirî û Alîkariya Civakî li şûna pirsgirêka sermayê çareser bike li welatiyan komira bê qalîte belav dike. Li wanê ku serma dadikeve bin sifirê 10 dereceyan, welatî şevên pir sar û dijwar derbas dikin. Ji ber ku Midûriyeta Piştgirî û Piştevaniya Civakî komira bê kalite belav dike welatî bi pirsgirêka jahrînê re rû bi rû ne. Midûriyeta Civakî niha li baxçê Dibistana Seretayî ya Kazim Karabekîrê ya navçeya Erdîşê, komira sala par ku hatibû depokirin li weyatina belav dike. Ji bo komirê her roj bi sedan kes dikevin dorê û hewl didin ku çend torbe komir bi dest bixin da ku di şevê sar de xwe pê germ bikin. Welatiyê bi navê Ergun Yigit, diyar kir komir kevne û gefan li jiyana wan dixwe. Yîgît xwest ku piştî komir hate venêrtin û şûnde li welatiyan bê belavkirin.

'Em jahrînî dibin'

Dayika 7 zarokan Elîf Ateş ku li pêş Kişlaya Cemal Gursel di kon de dijî, anî ziman ku ji ber midûriyet komira kevn û bê kalîte li wan belav dike, pir ditirse ku tev zarokên xwe jahrînî bibe û bimirin. Ateş, anî ziman ku ew di erdhejê ne nemirin, lê dibe ku ji ber komira qirêj û hewaya qirêj jiyana xwe ji dest bidin.

<<Önceki Haber || Sonraki Haber>>