28 Rebéndan 2012 14:51
Turk: Emê statuya gelê kurd bidin naskirin û bi ser bikevin

Kongreya Civaka Demokratîk (KCD), 6'emîn Komcivîna Giştî ya Asayî li Salona Vedat Aydin a li avahiya BDP'ê ya Amedê pêk pêk anî. Di komcivînînê de Hevserokê Giştî yê BDP'ê Selahattin Demîrtaş, Hevserokên Giştî yên KCD'ê Ahmet Turk û Aysel Tugluk, 715 nûnerên saziyên sivîl ên cvakî ku ji herêmê hatibkûn, Serokê GUNSÎAD'ê Şah Îsmaîl Bedîrhanoglu, Parlementerên BDP'ê û rêveberên BDP'ê yên bajar û navçeyan, şaredarên BDP'î jî amade bûn.

Beriya komcivînê starên kurdî ên çalak hatin stirn û vê yekê bandora xwe li ser delegeyên komcivînê jî kir. Delegeyên ku hatin komcivînê piştî navên xwe nivîsandin û qeydên xwe kirin derbasî salona komcivînê bûn. Li salonê pankartên "Tecrida li ser Ocalan, tecrida li ser gelê Kurd e", "Em bi Kurdistana xweser û demokratik ber bi yekîtiya netewî ve dimeşin", "Em zagona bingehîn a neteweya demokratîk dixwazin", "Bi ked û baweriya demokratîk emê tekoşîna azadiya jinê bilind bikin", "Jiyana azad, Kurdistana azad" û wêneyên kesên di komkujiya li Roboskiyê de jiyana xwe ji dest dan hatin daliqandin.

'AKP bi polîtîkaya înkarê nêzî çareseriya kurd dibe'

Piştî dîwana komcivînê hate avakirin, ji bo Serokê BDP'a Qersê Halîs Ozen, hesapgirê BDP'ê Îzzet Varli ku duh li Bedlîsê di qezayê de jiyana xwe ji dest dan û kesên di têkoşîna aştî û demokrasiyê de jiyana xwe ji dest dan rêz hate girtin. Hevserokê KCD'ê Ahmet Turk, axaftina destpêkê kir û Ozen û Varli bibîr anî. Turk, li ser operasyonên ku di bin navê "KCK'ê de li dijî gelê kurd û siyasetmedarên kurd tên meşandin rawestiya û wiha got: "Hikûmeta AKP'ê û Serokwezîr dixwaze bi înkar û îmhayê pirsgirêka kurd çaremer bike. Di fesareta wan de çareserî tune înkar heye. Wer bawer dikin ku bi înkar û îmhayê kurdan tune bikin û pirsgirêkê çareser bikin. Kurdan bi têkoşîna xwe polîtîkayên AKP'ê deşîfke kirin. Em guhertin û veguhertina Rojhilata navîn esas digirin. Em tu carî feraseta AKP'ê qebûl nakin."

'Projeya Xweseriya Demokratik, projeya yekîtiya azad e'

Turk, bilêv kir ku gelê kurd bi hêza xwe ya cewherî têkoşîna xwe ya hebûnê dide û wiha berdewam kir: "Kurd nabin lîstik û maşikên hêzên emperyalîst. Ji ber vê yekê bûne hedef. Hêzen Emperyalîst kurd û hêzên demokratîk kirine hedefa xwe. Li gel ku hemû hêzên emperyalîst li ser kurdan bûne yek jî kurd teslîmî polîtîkayên wan nabin. Em Misir û Suriyeyê dibînin ku li hemberî daxwazên gel êdî xetimîne. Ji ber vê yekê projeya Xweseriya Demokratîk, projeya yekitiya azad e. Ev dê demokratîkbûna gelû gelê rojhilata navîn pêş bixe. Ev projeya gelê kurd a bi gelê tirk re azad, wekhev û di nava yekîtiyê de bijîn e. Em dixwazin wekî KCD'ê Statuya gelê kurd bidin naskirin. Êdî 20 mîlyon kurd nabe kole.

'Siyaseta demokratîk eyneya gelê kurd e'

Turk, anî ziman ku gelê kurd dê siyaseta demokratîk pêş bixe û wiha berdewam kir: "Siyaseta demokratîk eyneya gelê kurd e. Divê daxazên gelê kurd rast bê famkirin û xwendin."


'Bi çekan û girtîgehan ev gel nayê bêdengkirin'

Turk, bal kişand ser tecrîda li ser Rêberê PKK'ê Abdullah Ocalan û wiha got: "Hemû kes dizane ku Birêz Ocalan ji bo aştî, pêşerojeke azad û çek bêdeng bibin gelek kedeke mezin da. Birzê Ocalan ê ku ji bo aştiyê û biratiyê peyma dan niha di bin tecrîdeke gelek giran de ye. Mantiqekî wisa kor tê bikaranîn. Em careke din li vir bang dikin. Êdî bi polîtîkayên şer û tepsandinê tu encama nayê girtin û di nava 30 salan de ev yekê her tim derket holê. Bi çekan û girtîgehan hûn nikarin dengê vî gelî qut bikin. Gelê kurd di salên 90'an de serî li dijî bûyerên kiryar nediyar nedanî û dest ji berxwedanê berneda. Di vê pêvajoyê de jî dest ji berxwendanê bernade û serî natewîn e." Turk, banga "Werin em daxwazên gelê kurd bi diyalogê çareser bikin" kir û wiha axivî: "Pirsgirêka gelê kurd bêyî kurdan û daxwazên demokratîk pirsgirêka kurd nayê çareserkirin. Hûn nikarin bi polîtîkayên qirêj vî gelî bi tepisînin. Komareke Demokratîk, pêşerojeke demokratîk, pêşeroja gelê kurd û ya me hemuyan e. Em bang li hemû kesî dikin ku tehemulê nîşanî jiyanekî wekhevî û adîl bikin dikin. Heke Tirkiye bi vî mantiqî tevbiger dê pirsgirêkên xwe çareser bike."

'Heye bedel neyêndan azadî bi dest nakeve'

Turk, axaftina xwe wiha berdevam kir: "Têkoşîna gelê kurd dide tenê ji bo gelê kurd în e ji bo hemû gelan e. Li gel hemû geşedanên neyînî li dijî polîtîkayên înkarê gel dê xwe bi rêxistinî bike. Em bawer dikin ku têkoşîna mafên mafdar dê serbikeve. Israra me ya têkoşîna demokratîtk dê me bigihijîne encamekê. Ev pêvajo dê li gorî daxwaz kesên têkoşîna azadiyê didin bi encam bibe. Bila hemû gelên Tirkiyeyê bizanin ku heye bedelen neyên dan azadî nayên bidestxistin. Êdî gelê kurd dê xwedî statuyekê bibe. Hêz herî bi biryar a li Rojhilata Navîn nayê jêbirin. Hewcehî bi makezagonekî hemû cudahiyan û baweriyan di nav xwe de bihewîne heye. Êdî 20 mîlyon gelê kurd bi têkiliyên xulam û beg nayê rêvebirin. Em dê teqez statuya kurdan diyar bikin û ser bikevin. Divê hemû kes vê yekê qebûl bike wisa bibîne. Em di siyaseta xwe de vê yekê bi awayekî zelal tînin ziman. Em daxwazên xwe bi awayekî zelal tînin ziman. Divê daxwazên gelê kurd bi cidî bên dîtin."

Civîn ji çapemeniyê re girtî berdevam dike.

Piştî axaftina Turk Lijneya Giştî ji çapemeniyê re hate girtin û civîn berdevam dike. Hate zanîn ku civîn dê heya sibê pişt nîvro berdevam bike.

DÎHA

<<Önceki Haber || Sonraki Haber>>

Diger Polîtîka