28 Rebéndan 2012 12:31
Walî BDP'î dawet kirin polîsan jî ew di lêpirsînê re derbas kirin

Waliyê Stenbolê BDP'iyên di çarçoveya kampanyaya "Ez livirim" a li dijî operasyonên di bin navê "KCK'ê" de hate destpêkirin duh xwe îxbar kirin, dawet kirin. Endamên BDP'ê ku randevu dan Walî çûn, li şûna rayedarên Walîtiyê polîs çûn malên wan. BDP'iyan diyar kir ku polîsan pirsên "Hûn pirsgirêka kurd çawa dinirxînin. Hûn çawa berê xwe didin çalakiyên bi bombeyî û meşan. Rewaşa wa ya aborî çawa ye" kirin.

Li Stenbolê bi hezaran kesan di çarçoveya kampanyaya "Ez livirim" a ji aliyê BDP'ê ve li dijî operasyonên di bin navê "KCK'ê" de dimeşe li edliyeyên Stenbolê xwe îxbar kirin. Piştî duh 155 kesan li xwe îxbar kiri, polîs çûn mala 50 BDP'iyan. Piştî endamên BDP'ê xwe îxbar kirin Walîtiya Stenbolê bi riya telefonê li malên BDP'iyan geriya û ji bo ziyaretê randevu xwest. BDP'iyên randevû dan rayedarên Walîtiyê, diyar kirin ku li şûna rayedarên Walîtiyê polîs hatin malên wan.

'Polîsên sivîl em xistin nava lêpirsê'

Endamê Rêxistina BDP'ê ya Kuçukçekmeceyê Berhem Ozer, diyar kir ku piştî wî daxwaznameya îxbarê da kesê xwe wekî rayedarê Walîtiya Stenbolê da naskirin randewû ji wî xwest. Ozer, anî ziman ku wî ji kesên randevu xwet pirsa "hûn çima randevuyê dixwazin" kir û kesê li wî geriya jî bersiva "dema ku em hatin malê em dê bersivê bidin" dan. Ozer, têkildarî kesên piştî randevuyê hatin mala wî wiha got: "Dema ku ez çûm malê polîsekî nasnameya xwe nîşanî min da. Min ji wan re got 'Hûn çima hatin vir. Min randevû da Walîtiyê. Polîsan jî got, 'Em li ser biryara Walîtiyê hatin malan ziyaret dikin.'" Ozer, anî ziman ku polîsan ji wî pirsên "Hûn pirsgirêka kurd çawa di nirxînin? Hûn çawa berê xwe didin çalakiyên bombekirinê û kevir avêtin? Di bin çavan de îşkence kirin? Rewşa we ya aborî çawaye? Zarokên we tevlî meşan dibin?" pirsîne. Ozer, da zanin ku piştî axaftinê polîsan li nava malê wêneyên wî hevsera wî kêşandin.

'Polîsan li malê wêneyê me kişandin'

Welatiyê bi navê Cemal Tanrivermîş jî diyar kir ku rayedareke Walîtiyê li wî geriya û randevû xwest. Tanrivermîş, anî ziman ku wî ji kesê randevu xwet re got, "Heya hûn hinceta randevuyê nebêjin ez randevuyê nadim" Tanrivermîş, da zanîn ku kurê wî berê ji ber sedemên siyasî salekê di girtîgehê de ma. Tanrivermîş, bilêv kir ku polîsan pirsên "Çima zarokê we ket girtîgehê? Hûn çawa berê xwe didin çalakiyên bombekirinê û kevir avêtin? Rewşa we ya aborî çawaye? Zarokên we tevlî meşan dibin?" pirs ji wî kirin. Tanrivermîş, destnîşan kir ku polîsan pirsa di navbera dema 12'ê Îlona 1980'an de û îro çi cudahî hene kirin û wiha axivî: "Dema ku min bersiva vê pirsê da polîsan gotinên min not girtin." Tanrivermîş, da zanîn ku hêj polîs ji malê derneketin wêneyên wan kişandin.

Hevseroka Rêxistina BDP'ê Asiye Kolçak têkildarî pêkanînên li dijî endamên wan wiha got: "Ji bo partiya me di bin gumanê de bihêlin van pêkanînan dikin. Xebatên partiya me wekî îlagal nîşan didin. Lê ev yek mafekî demokartîk e.

<<Önceki Haber || Sonraki Haber>>