Li Gabar Cudî û Besta daristan dişewitin lê derdorparêz bêdeng in

Hevserokê BDP'ê Selehattîn Demîrtaş, bertek nîşanî helwesta Serokwezîr Erdogan a “Ez dê bi BDP'ê re bihatama cem hev, lê CD hatin pêş min, ez vegeriyam" da. Demîrtaş, anî ziman ku Serokwezîr ji ber şerê nikare bi me re bê cem hev. Demîrtaş, destnîşa kir ku ew her tim alîgirê yekîtiyê ne û wiha got: "Lê ger ku çareserî pêk neyê, ne ez ne Hasîp Kaplan û ne jî Ertugrul Ozkok dikare hewldana cudakariyê asteng bike." Serokwezîr Tayyip Erdogan, piştî hinteca hevdîtina xwe ya bi BDP'ê ya "Ji ber ji fêdê distînin" nîşan da, vê carê jî CD'ên ji wêne û dîmenên îşkenceya li endamên HPG'ê hatine kirin wekî hincet nîşan da û got "Mi dê hevdîtin pêk bianiya, lê piştî CD hatin pêşberî min, min dest ji hevdîtinê berda." Demîrtaş, da zanîn ku ew gotina Serokwezîr a "Ji terorê sûdê digrin" cîdî nagrin û wiha got: "Tiştê ku hatiye serê partiya me, êşên ku bi serê gelê me hatine, dide xuyakirin ku name tê çi wateye. Tiştên ku bi serê gelê me û partiya me de hatine bêser û bin e. Di pêvajoya şer de herî zêde gelê me û partiya me mexdûr bûye. Ger ku nema ev be bila xwedê duqatê vê nemayê bide AKP'ê." Demîrtaş, anî ziman ku polîtîkiya çareseriya AKP'ê tune û ‘Erdogan ji ber nikare van dîmenan reva bike bi me re hevdîtênê çênake' Demirtaş, bertek nîşanî hinceta Erdogan a "Ji ber min CD dît min dev ji hevdîtê berda" rexne kir û wiha got: "Erdogan berê got 'Ji ber cenaze tên ez nikarim hevdîtinê pêk bînim' niha jî CD yan dike sedem. Ji ber ku Serokwesîr nikare vê şerm û dîmenan vebêje şerm dike bi me re hevdîtinê pêk bîne. Ji ber nikare sucê mirovahiyê reva bike bi BDP'ê re hevdîtinê nake. Dizane ku dema em hevdîtine çekin em dê van dîmenan bînin pêş wî. Em dê sedema vê yekê jê bipirsin. Ji ber nikare hesabê vê yeke bide naxwaze bi me re bê cem hev. Dibêje piştî min CD temaşe kir min fikra hevdîtinê guhert. Sedemê van dîmenan kiye? BDP ye an AKP ye? Ew jî dizanin sedemê van dîmenan ew bi xwe ne. Ger ku piştî dîmen temaşe kiribûn û nayê hevdîtinê ji şerma nikare. Ruyê wî ranake. Serokwezîr hesabê bûyerên Gazzeyê dipirse, em jî dê hesabên bûyerên li Tirkiyeyê pêk tên ji Serokwezîr bipirsin. Demîrtaş derbirî ku ev heta dawi wisa naçe û dê rojekê bê hevdîtinê pêk bînin û hesabê vê yekê ji Serokwezir bipirsin. Demîrtaş, destnîşan kir ku dê rojekê riyên diyalogê vebin û wiha dom kir: "Dê rojekê riyên diyalogê vebin. Em dê heta dawî di muzekereyan de israr bikin. Em dê van pêkanînên li dijî cenazeyên HPG'ê hatine kirin bibin Ewropayê. Lê em dixwazin berî her tiştî vê yekê li Tirkiyeyê çareser bikin. Lê ger em li Tirkiyeyê encamê bi dest nexin em dê van pirsgirêk û dîmenan bibin NY, DMME'ê û YE'ê. " Demîrtaş, nirxandinên Ertugrul Ozkok ên 'Qetandinê' jî nerînên xwe anin ziman û wiha dawî li axaftina xwe anî: "Em tu carî ne alîgirê cudakarî û qetînê ne. Em her tim alîgirê yekîtî û tifaqê ne. Lê ger ku pirsgirêk bi riya diyalog û aştiyê çareser nebe jî ne ez, ne Hasip Kaplan û ne jî Ertugrul Ozkok dikare rê li pêşiya vê daxazê bigre." Demîrtaş, destnîşan kir ku gelê kurd cudakariyê û qetandinê naxwazin û dixwazin bi riya aştî, demokrasî û edaletê pirsgirêkê çareser bikin.

Li çiyayên Gabar û Çûdî û Besta yên Şirnexê çend heftene daristan ji aliyê leşkerên derdikevin operasyonê ve tê şewitandin, lê rayedarên dewletê sazî û komeleyên derdorparêz li hemberî vê şewatê kor, ker û lal in. Ji ber bêdengiyê şewata daristanan zêde dibe. Herî dawî duh li Çiyayê Besta jî şewata daristanê dest pê kir.

Li herêmê leşkerên derdikevin operasyonê, di vegerê de daristan, dahl û rezên herêmê didin ber agir û şewatê derdixin. Ji ber ku şewata daristanan ji aliyê leşkeriyê ve tên astengkirin, welatiyên herêmê bêçare dimînin û neçar neçar temaşe dikin. Di şewata daristanan de li aliyekî bi hezaran hektar zevî tên şewitandin û bi milyonan TL zerar maddî çêdibe. Lê ligel vê yekê ne derdorparêz û ne jî rayedarên hikûmetê dengê xwe bilid dikin. Vakfa TEMA ku kampanya "Bila Tirkiye nebe çolistan" daye destpêkirin, li hemberî şewata daristanên herêmê ker û kor e. Her wiha dîsa saziya navneteweyî Greenpace ku li dijî santralên hîdro têkoşînê dimeşîne li hemberî tahrîbata ekolojiyê bêdeng e.

Çiyayên Gabar, Cudî û Besda di nava pêtên agir de ye

Agirê 10 rojin li çiyayên Gabar û Cudî didome niha jî li Çiyayê Besta dest pê kir. Li çiyayê Gabar û Cûdî nêzî 10 rojan şewatê bênavber dom kir. Piştî qada daristanî tev şewitî, agir ji xweber vemirî. Dahl û rezên welatiyan şewitîn, bi hezaran teyr, teba çûk û kezik di nava pêtên agir de qijilîn. Bi taybetî daristanên herêma Dîvîn, Kenya Mêwî, Dola Hirçê, Çala Goza, Kenya Guhuş hemû bûn xwelî.

Fermandarê Qereqolê: Ev ax ji mere nabe em bişewitînin

Li gorî agahiyên hatin bidestxistin, leşkerên girêdayî Tabûra Cendermeyan a Besta û cerdevanên Sêgirkê, li Girê Hêrimya yên girêdayî Cudî piştî derketin operasyonê daristan şewitandin. Cerdevanekê ku nexwest navê xwe bide, diyar kir ku leşkerên derketin operasyonê di vegerê de şewat derxistin. Cerdevan, anî ziman ku Fermandarê Qereqohê gotiye 'Ji xwe ev ax ji mere nabe em wê bişewitînin' û agir berdaye daristanê.

Çiyayê Kîlîsê 4 rojin dişewitin

Herêma Kîlîsê ya Gabarê jî şewata ku ji aliyê leşkerên derketibûn operasyonê jî 4 roj berê dest pê kiribû didome. Bi hezaran hektar daristan bû xwelî, lê hêj rayedar û derdorarêzan li hemberî vê yekê neketine nava hewldanan. Şewata li Çiyayê Gabarê ku 4 roj berê ji aliyê leşkeran ve hatibû derxistin her ku diçe mezin dibe û belav dibe. Şewat bi taybetî li herêma Kereşa, Zêwê û Biyava belav dibe. Her wiha şewata 2 roj berê ji aliyê leşkeran û cerdevanan ve dest pê kiribû didome.

'Bi hinceta ewlehiyê herêm dişewite'

Seroke Rêxistina BDP'ê ya Şirnexê Abît Îke, diyar kir ku leşkerên li çiyayên Cudî, Gabar û Besta derdikevin operasyonê bi zanebûn daristanê dişewitînin. Îke, anî ziman ku tehamulê wan ji kurdan re tune û hemû daristana herêmê dişewitînin. Îke, saziyên derdorparêz û rayedarên hikûmetê jî rexne kir û wiha got: "Li hemberî şewata daristanan bêdegn dimînin. Bi hinceta ewlehiyê bi salan e daristanên me, dahl û rezên me tên şewitandin. Ev bi zanebûn tê şewitandin." Şaredarê Şirnexê Ramaza Uysal jî bêdengiya li hemberî şewata daristanan rexne kir û wiha got: "Em hemû dibînin ku li rojava darek tê şewitandin hemû Tirkiye radibe ser piyan. Lê li herêmê 10 rojin daristan tê şewitandin. Bi hezaran dekar daristan şewitî, mixabin kes dengê xwe nake. Arman zerardayina herêmê ye. Dahl û rezan jî dişewitînin. Nêzî hezar donim zeviya min a Gundê Dîvînê şewitandin. Divê rayedar vê bêedaletiyê bibînin.

E-MAIL THIS

PRINT THIS